მთავარი / სიახლეები / მაურიციო სარის კომენტარი “სასუოლოსთან” მატჩის შემდეგ

მაურიციო სარის კომენტარი “სასუოლოსთან” მატჩის შემდეგ

ტურინის „იუვენტუსის“ მთავარმა მწვრთნელმა მაურიციო სარიმ „სასუოლოსთან“ (2:2) მატჩი შეაფასა. იტალიელი სპეციალისტის განცხადებით, გუნდმა ძალიან ცუდი პირველი ტაიმი ჩაატარა.
„გუნდთან 30 წამი ვისაუბრეთ, საჭიროა ვითარების გაანალიზება. პირველ ტაიმში თავის გარეშე ვითამაშეთ, დიდ სივრცეებს ვტოვებდით და დაკარგულ ბურთებზეც ბევრ დროს ვკარგავდით. მეორე ტაიმი გაცილებით კარგად ჩავატარეთ.2:1-ის შემდეგ გუნდმა რეაგირება მოახდინა და გამარჯვებისთვის ბევრი საგოლე მომენტი შექმნა.

შეცდომები დავუშვით ნახევარდაცვაში მოძრაობის დროს, 4-5 სიტუაციაში ძალიან დიდი სივრცეები დავტოვეთ. ამ მატჩამდე ორი ურთულესი თამაში გვქონდა, განსაკუთრებით ფსიქოლოგიურად და აღდგენა ადვილი არაა.

რონალდუ? ვგრძნობთ, რომ ნელ-ნელა ფიზიკურად ძალას იბრუნებს. კარგი იყო მატჩის ბოლო ნაწილში, მხოლოდ ბრწყინვალების აღდგენა სჭირდება.

ბუფონი? მეორე გოლის დროს წარმოუდგენელი შეცდომები დავუშვით, რამდენიმე. ბუფონის შეცდომაც სწორედ შეცდომების სერიის ჯაჭვური რეაქცია იყო“, – განაცხადა სარიმ.

შეგახსენებთ, რომ „იუვენტუსს“ 36 ქულა აქვს და სატურნირო ცხრილში მეორე ადგილზე დაქვეითდა.

შემთხვევითი სიახლე

კიელინი: “ბონუჩის “მილანში” წასვლა ალოგიკური გადაწყვეტილება იყო”

ტურინის „იუვენტუსის“ კაპიტანმა ჯორჯო კიელინიმ ავტობიოგრაფიულ წიგნში „მე ჯორჯო“, ლეონარდო ბონუჩის „მილანში“ გადასვლის შესახებ ისაუბრა. …

სეტიენი: “პიანიჩი შესანიშნავი ფეხბურთელია”

მირალემ პიანიჩის „ბარსელონაში“ შესაძლო ტრანსფერზე კომენტარი კატალონელთა მთავარმა მწვრთნელმა კიკე სეტიენმა გააკეთა. ესპანელის განცხადებით, პიანიჩი …