მარიო მანჯუკიჩის მომავალი ჯერ კიდევ გაურკვეველია. ცნობილია, რომ ხორვატი „იუვენტუსის“ფეხბურთელი იანვრიდან აღარ იქნება, მაგრამ რეალური მსურველებიც ნაკლებად არიან.
იტალიური მედია იტყობინება, რომ მარიო თანახმაა კარიერა ყატარში გააგრძელოს, თუმცა კონკრეტული გუნდი არ დასახელებულა. როგორც აპენინელი ჟურნალისტები წერენ, ყველაფერი უახლოეს 48 საათში უნდა გადაწყდეს.
ამრიგად, მანჯუკიჩის ტურინული კარიერა 4 წლის თავზე 162 თამაშით და 44 გოლით სრულდება.