მანჯუკიჩი „იუვეში“ რჩება

ტურინის „იუვენტუსი“ და მარიო მანჯუკიჩი თანამშრომლობას აგრძელებენ. Tuttosport-ის ცნობით, ყველაფერი გადაწყვეტილია – ხორვატი ხელშეკრულებას 2021 წლის 30 ივნისამდე გააფორმებს.

მიმდინარე კონტრაქტი მარიოს 2020 წლის ზაფხულამდე აკავშირების, ახალი შეთანხმების საფუძველზე კი ხელფასის სახით სეზონში 4.5 მილიონ ევროს მიიღებს, რასაც ბონუსებიც დაემატება. აღნიშნული ინფორმაცია ოფიციალურად უახლოეს დღეებში უნდა დადასტურდეს.

შეგახსენებთ, რომ მარიო მანჯუკიჩი „იუვენტუსს“ 2015 წლის ზაფხულში „ატლეტიკოდან“ შეუერთდა და ქომაგებს თავი ბრძოლისუნარიანობით შეაყვარა.