ლიპიმ დაასახელა თამაში, რომელსაც “იუვენტუსის” თავკაცის რანგში თავიდან ითამაშებდა

ტურინის „იუვენტუსის“ ყოფილმა მთავარმა მწვრთნელმა მარჩელო ლიპიმ (1994-1999, 2001-2004) Tuttojuve-სთან მცირე ინტერვიუ ჩაწერა. ლეგენდარულმა სპეციალისტმა სხვადასხვა საკითხებზე ისაუბრა.

– რომელი უკეთესი იყო, 1995 წელს პირველი სკუდეტო თუ 2002 წლის 5 მაისის სკუდეტო?

– პირველი ნამდვილად ძალიან გამიხარდა და დიდი კმაყოფილება მომიტანა, მაგრამ 5 მაისის გამარჯვებაც ძალიან სასიამოვნო და დამაიმედებელი იყო. თუ უნდა ავირჩიო, მაინც 1995 წლის გამარჯვებას ავირჩევ.

– შანსი რომ გქონდეთ, ჩემპიონთა ლიგის რომელ ფინალს ითამაშებდით თავიდან?

– დაუფიქრებლად გიპასუხებთ: 2003 წელს „მილანთან“ ფინალს თავიდან სიამოვნებით ვითამაშებდი. რატომ არ ვათამაშე ამ მატჩში დი ვაიაო? მირჩევნია ამ კითხვაზე არ გიპასუხოთ.

– თქვენი ყოფილი ფეხბურთელებიდან ბევრი წარმატებული მწვრთნელი გახდა. შესანიშნავი მაგალითია ზიდანი და კონტე. რა არის მარჩელო ლიპის საიდუმლო?

– ძალიან სასიამოვნოა, რომ ჩემი ყოფილი ფეხბურთელები მწვრთნელები არიან და ზოგიერთმა ჩემი მეთოდები გადაიღო. ამას მივესალმები. რამდენიმესთან ვსაუბრობ და რჩევებს ვაძლევ, ბედნიერი ვარ მათი სამწვრთნელო კარიერით.

– სამხრეთ აფრიკის მსოფლიო ჩემპიონატის შემდეგ საუბარი იყო „იუვეში“ დაბრუნებაზე. ყოფილა რეალური კონტაქტი კლუბთან?

– არა, არასდროს ყოფილა რეალური კონტაქტი. მხოლოდ ჭორები იყო.

– გჯერათ, რომ დიბალა დელ პიეროს მემკვიდრეა?

– შესანიშნავი ფეხბურთელია, როგორც ბევრი სხვა. მაგრამ წარსულის მემკვიდრეობაზე საუბარი პაულოსთვის კარგი არაა. ცხადია, შეიძლება ჩაითვალოს იმ დონეზე, როგორც სხვები თამაშობდნენ, ვისაც ეს დიდებული მაისური მანამდე ეცვათ.

– კარგი იქნება ჩემპიონთა ლიგის მატჩების ხილვა აგვისტოში და ნეიტრალურ სტადიონებზე?

– ამ საკითხით დიდად დაინტერესებული არვ. მე ის მაინტერესებს, რომ ფეხბურთის თამაშის დასაწყებამდ შესაბამისი კონდიციები მზად იყოს. ეს თუ მოხდება, ნიშნავს, რომ ვირუსის შიში აღარ იარსებებს.