“ლაციო” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს მეშვიდე ტურში რომის „ლაციოსთან“ პრაქტიკულად მოგებული თამაში ვერ მოიგო და ბოლო წამზე გაშვებული გოლის გამო ფრეს დასჯერდა (1:1). მატჩის ანტიგმირი პაულო დიბალა გახდა და ყველაზე დაბალი შეფასებაც მან დაიმსახურა. გთავაზობთ ფეხბურთელთა შეფასებებს Calciomercato-ს ვერსიით.

შჩენი 6.5 – ყოველთვის კარგად იცავდა კარს და თავდაჯერებულად თამაშობდა. ამ თავდაჯერებას დაცვასაც გადასცემდა.

კუადრადო 7 – პლუს ერთი ფეხბურთელია გუნდისთვის ამ მომენტში, რადგან კარგ ფორმაშია. მიმდინარე სეზონში  მორიგი საგოლე პასი გააკეთა.

დემირალი 6 – მურიქისთან დუელი მისი გამარჯვებით დასრულდა. არც კაისედოსთან შეცვლილა ისტორია, მაგრამ კორეას შეჩერება გაუჭირდა.

ბონუჩი 5.5 – დაცვას შესანიშნავად ხელმძღვანელობდა, მაგრამ ბოლოს კაისედო გაექცა და მის იდეალურ თამაშს ამით ხაზი გადაუსვა.

დანილო 6.5 – კიდევ ერთი დამაჯერებელი თამაში. ერთი წლის შემდეგ ის გუნდისთვის შესანიშნავი შენაძენია.

კულუშევსკი 6.5 – ხანდახან თამაშიდან გამოითიშული იყო, მაგრამ, როდესაც ასე არ იყო, ხიფათს ქმნიდა.

მაკკენი შ.გ – მან ბოლო 15 წუთი ითამაშა.

ბენტანკური 5.5 – კუადრადოს გოლის დროს შესანიშნავი პასი გაუკეთა, მაგრამ „ლაციოს“ გოლში მისი წვლილიცაა, რადგან კორეამ ბურთი ფეხებს შორის გაუტარა.

რაბიო 6.5 – ნახევარდაცვის სადავეები მუდმივად მას ეჭირა და გოლის გატანის კარგი შანსიც ჰქონდა.

ფრაბოტა 6 – მისი ძირითადში გამოჩენა სიურპრიზი იყო, ჩვეულებრივზე უფრო წინ თამაშობს და საშინაო დავალება კარგად შეასრულა.

მორატა 6 – ამჯერად ნაკლებად დამაჯერებელი იყო, თუმცა ეს არ ცვლის მის ბოლო ვარსკვლავურ პერიოდს.

ბერნარდესკი შ.გ – ის მოედანზე ძალიან ცოტა ხანი იყო.

რონალდუ 7 – გოლი და ძელი, როდესაც რეინას შანსი არ ჰქონდა. პირველ ტაიმში აბსოლუტური დომინანტი იყო და ერთ გოლზე მეტს იმსახურებდა.

დიბალა 5 – ის ბურთს კარგავს ცუდი გაკონტროლების გამო, რითაც „ლაციოს“ საგოლე შეტევა დაიწყო მატჩის დასრულებამდე 10 წამით ადრე.

პირლო 6 – „ლაციოს“ უჭირდა, მაგრამ დამაჯერებლად „იუვემ“ ერთადერთი სერიოზული შეცდომა დაუშვა, რომ თამაშის ინტრიგა ვერ მოკლა პირველივე ტაიმში. ცვლილებებმა გუნდის თამაშის ხარისხი ძალიან შემცირდა.