Juventus.Ge ტურინის იუვენტუსის ქართული ფან კლუბი
ცნობილი გახდა, თუ რატომ ამბობს უარს იუვენტუსის ნახევარმცველი ადრიენ რაბიო იტალიაში დაბრუნებაზე.
რაბიო აპროტესტებს კლუბში ხელფასის შემცირებას, რომელსაც ფეხბურთელები დაეთანხმნენ კორონავირუსის პანდემიის ფონზე მძიმე ეკონომიკური ვითარების გამო. ამის შესახებ ფრანგული გამოცემა L’Equipe ინფორმაციას La Stampa-ზე დაყრდნობით ავრცელებს.
მტკიცდება, რომ რაბიომ არ უპასუხა იუვენტუსის პირველ ზარს ტურინში დაბრუნების საჭიროების შესახებ, შემდეგ, კი ჩაფრენაზე უარი თქვა.
იმის მიუხედავად, რომ იუვენტუსის ფეხბურთელებმა უკვე განაახლეს ინდივიდუალური ვარჯიშები, რაბიო საფრანგეთში იმყოფება და კლუბს განუცხადა, რომ ის სამშობლოში დარჩება რაც შეიძლება დიდხანს.
ტურინში აღშფოთდნენ რაბიოს არაპროფესიონალიზმით. კლუბში თვლიან, რომ ის დედის, აგენტის ვერონიკა რაბიოს რჩევას მიჰყვება, რომელსაც სურს, მისი ვაჟი პრემიერ ლიგაში თამაშობდეს.
ადრიენ რაბიო და გონსალო იგუაინი იუვენტუსის ის ფეხბურთელები არიან, რომლებიც ჯერ არ დაბრუნებულან იტალიაში. თუმცა, არგენტინელმა მიიღო კლუბისგან ამის ნებართვა.
