კულუსევსკის ტოპ ჩემპიონატებში საუკეთესო შედეგი აქვს

„პარმას“ ფეხბურთელი დეიან კულუსევსკი შესანიშნავ სეზონს ატარებს. შვედი იანვარში „იუვენტუსმა“ შეიძინა და მომდევნო სეზონიდან ტურინელთა ღირსებას დაიცავს.

მანამდე კი, Optapaolo საინტერესო სტატისტიკურ მონაცემს აქვეყნებს: კულუსევსკიმ სერია A-ს მიმდინარე სეზონში 7 გოლი გაიტანა და 7 საგოლე პასი შეასრულა.

ტოპ ჩემპიონატებში ის ყველაზე ახალგაზრდა ფეხბურთელია, რომელმაც ამ სეზონში მინიმუმ 7 გოლიც გაიტანა და 7 საგოლე პასიც შეასრულა. ფაქტია „იუვემ“ ხელში დიდი ტალანტი ჩაიგდო და როგორ განვითარდება მისი კარიერა, მომავალი გვაჩვენებს.