ტურინის „იუვენტუსის“ ფეხბურთელი ხუან კუადრადო იმედოვნებს, რომ ხელფასების დაკლება სხვა გუნდის მოთამაშეებისთვის სამაგალითო იქნება.
„კაპიტანი (კიელინი) ხელმძღვანელობას ესაუბრა და შემდეგ ჩვენ დაგვიკავშირდა, ჩატში ვისაუბრეთ და განვიხილეთ მიმდინარე მოვლენები. იმედი გვაქვს, რომ ეს სხვებისთვის მაგალითი იქნება. ნორმალურია, რომ ასეთ რთულ მომენტში ჩვენი წვლილი შევიტანოთ.
დიახ, მე ტურინში დავრჩი და ბედნიერი ვარ, რომ ამდენ დროს შვილებთან და ოჯახთან ერთად ვატარებ“, – განაცხადა კუადრადომ.