მთავარი / სიახლეები / კიეზას და მაკკენის ტრავმები სერიოზული არ გამოდგა

კიეზას და მაკკენის ტრავმები სერიოზული არ გამოდგა

ტურინის „იუვენტუსის“ ფეხბურთელებს ვესტონ მაკკენისა და ფედერიკო კიეზას J Medical-ში სამედიცინო შემოწმება ჩაუტარდათ, რომელმაც კარგი ამბავი აჩვენა.

ამერიკელსა და იტალიელს სერიოზული ტრავმები არ აქვთ და რამდენიმე დღეში ანდრეა პირლოს განკარგულებაში იქნებიან. ჯერჯერობით ზუსტი დრო მაინც უცნობია.

„ტესტებმა აჩვენეს, რომ დაზიანებები არ არის. შესაბამისად, მათი მდგომარეობა ყოველდღიურად შეფასდება“, – წერია „იუვეს“ ვებგვერდზე.

მაკკენი „სასუოლოსთან“ მე-19 წუთზე შეცვალეს კუნთის დისკომფორტის გამო და მისი გამოჯანმრთელება რამდენიმე დღის საკითხია. კიეზა პირველი ტაიმის ბოლოს პედრო ობიანგის უხეშობისას დაშავდა, რის გამოც მეტოქე გააძევეს. ფედერიკომ თამაში გააგრძელა და 86-ე წუთამდე მოედანზე იყო. ტესტებმა აჩვენა, რომ სერიოზული არაფერია.

ანდრეა პირლოს იმედი აქვს, რომ ორივე ფეხბურთელი 17 იანვარს, „ინტერთან“ მატჩისთვის მის განკარგულებაში იქნება, თუმცა, ეს ჯერ გადაწყვეტილი არ არის. აქვე გეტყვით, რომ პაულო დიბალა სამი კვირა იუქმებს.

 

შემთხვევითი სიახლე

ტაკონი: “კონტე 3 მცველით თუ ითამაშებს, “იუვე” მოიგებს”

ტურინის „იუვენტუსის“ ყოფილმა მეკარე სტეფანო ტაკონიმ დღეს გასამართი იტალიური დერბისა და თავის დროზე ვალტერ ძენგასთან …

იულიანო: “იუვესთვის” იდეალური 4-3-3 სქემაა”

ტურინის „იუვენტუსის“ ყოფილმა ფეხბურთელმა მარკ იულიანომ იტალიურ მედიასთან „ბებერი ქალბატონის“ შესახებ ისაუბრა. იტალიელი მცველის განცხადებით, …