Juventus.Ge ტურინის იუვენტუსის ქართული ფან კლუბი
ვეტერანმა იტალიელმა მწვრთნელმა ჯიჯი კანიმ ანდრეა პირლოს შესახებ ისაუბრა და განაცხადა, რომ მან ერთადერთი შეცდომა დაუშვა. „ემპოლის“ ყოფილი თავკაცის აზრით, მწვრთნელობა ადვილი არ არის და პირლო ტურინელთა წინადადებას არ უნდა დათანხმებულიყო.
„პირლო სეზონს ჩაამთავრებს. მისი ერთადერთი შეცდომა „იუვენტუსის“ მთავარი გუნდის მწვრთნელობაზე თანხმობის თქმა იყო. ის ფიქრობდა, რომ ეს საქმე უფრო მარტივი იყო, გულუბრყვილოდ მოიქცა, ალბათ თავხედურადაც. არის შეცდომები და ეს ნორმალურია. მას სითამამე უნდა ჰქონოდა და უარი უნდა ეთქვა. ეს მარტივი სამუშაო არ არის“, – თქვა კანიმ.
