მთავარი / სიახლეები / “იუვენტუსს” და კიდევ სამ გუნდს სუპერლიგიდან გაგდება ემუქრებათ

“იუვენტუსს” და კიდევ სამ გუნდს სუპერლიგიდან გაგდება ემუქრებათ

ტურინის „იუვენტუსს“ ჩემპიონთა ლგიდან მოკვეთა ემუქრება. უეფას პრეზიდენტმა ალექსანდერ ჩეფერინმა განაცხადა, რომ კლუბები, რომლებიც სუპერლიგას არ დატოვებენ, ჩემპიონთა ლიგაზე თამაში აეკრძალებათ.

ამ დროისთვის 4 კლუბია, რომელიც სუპერლიგაზე უარს ოფიციალურად არ ამბობს, ერთ-ერთი „იუვეა“, დანარჩენი სამი კი – „ბარსელონა“, „რეალი“ და „მილანი“.

„აშკარაა, რომ კლუბებმა უნდა გადაწყვიტონ სუპერლიგა თუ ევროპული კლუბების ასოციაცია. თუ ისინი იტყვიან, რომ ჩვენ სუპერლიგაში ვართ, მაშინ რა თქმა უნდა, ისინი ჩემპიონთა ლიგაზე ვერ ითამაშებენ. თუ მზად არიან ამის გასაკეთებლად, შეუძლიათ თავიანთ კონკურენციაში ითამაშონ. ამ ოთხი კლუბის გარეშეც ფანტასტიკური ტურნირი გვექნება.

ჩვენ ჯერ კიდევ ველოდებით იურისტების დასკვნას და შემდეგ ვიტყვით რა გადაწყვეტილებას მივიღებთ. ჩემთვის სულ სხვა სიტუაციაა იმ კლუბებთან მიმართებაში, რომლებმაც თავიანთი შეცდომა აღიარეს და თქვეს: „ჩვენ პროექტს ვტოვებთ“. დანარჩენებმა იციან, რომ პროექტი მკვდარია, მაგრამ ამის დაჯერება ალბათ, არ სურთ“, – თქვა ჩეფერინმა.

შემთხვევითი სიახლე

ფაჯოლის ძმა: “ნიკოლომ “იუვეს” გამო უარი “მანჩესტერს” და “ინტერს” უთხრა”

ნიკოლო ფაჯოლის ძმამ, ალესანდრო ფაჯოლიმ იტალიურ მედიას ინტერვიუ მისცა, რომელშიც თავისი ძმის შესახებ ვრცლად ისაუბრა. …

მილინკოვიჩ-სავიჩი, რაბიო და მაკკენი – “იუვეს” გეგმები ნახევარდაცვაში

ტურინის „იუვენტუსი“ ზაფხულში რომის „ლაციოდან“ სერგეი მილინკოვიჩ-სავიჩის ყიდვას კიდევ ერთხელ ეცდება. იტალიური მედიის ცნობით, „ბიანკონერი“ …