მთავარი / სიახლეები / “იუვენტუსმა” იტალიის თასის ფინალშიც წააგო

“იუვენტუსმა” იტალიის თასის ფინალშიც წააგო

მაურიციო სარის ამ დროისთვის „იუვენტუსში“ ორი ტიტულის მოგების შანსი ჰქონდა, მაგრამ ვერცერთი მოიგო.

დეკემბერში „ლაციოსთან“ წააგო იტალიის სუპერთასი, ახლა „ნაპოლისთან“ იტალიის თასი.

„იუვეს“ თამაში ისევ ვერანაირ კრიტიკას ვერ უძლებდა და რომ არა ჯანლუიჯი ბუფონი „ნაპოლი“ აუცილებლად ძირითად დროში მოიგებდა. ჯიჯიმ შესანიშნავად ითამაშა და არაერთი ლამაზი სეივით იხსნა თავისი გუნდი. საპასუხოდ კი „იუვენტუსს“ დასამახსოვრებელი არაფერი შეუქმნია. ისევ იგივე, პასები, პასები და არაფრის მომცემი პასები.

პენალტები სერიაში კი პაულო დიბალამ და დანილომ თავიდანვე ორი დარტყმა გააცუდეს, ბუფონმა სამაგიეროდ ვერცერთი ბურთი აიღო, მაგრამ მან ასაღები ჯერ კიდევ თამაშიდან აიღო.

იტალიის თასი „ნაპოლის“ დარჩა, დამსახურებულად.

„ნაპოლი“ – „იუვენტუსი“ 0:0 პენ: 4:2 (0:0)

რომი, „სტადიო ოლიმპიკო“

უმაყურებლოდ

„ნაპოლი“ (4-3-3): მერეტი; დი ლორენცო, მაკსიმოვიჩი, კულიბალი, მარიო რუი (ჰისაი 80); ფაბიან რუისი (ალანი 80), დემე, ზიელინსკი (ელმასი 87); კალეხონი (პოლიტანო 67), მერტენსი (მილიკი 67), ინსინიე

მწვრთნელი: ჯენარო გატუზო

„იუვენტუსი“ (4-3-3): ბუფონი; კუადრადო (რემზი 85), დე ლიხტი, ბონუჩი, ალექს სანდრო; ბენტანკური, პიანიჩი (ბერნარდესკი 74), მატუიდი; დიბალა, რონალდუ, დუგლას კოშტა (დანილო 65)

მწვრთნელი: მაურიციო სარი

გაფრთხილება: მარიო რუი (77) – ბონუჩი (51), დიბალა (83)

მსაჯი: დანიელე დოვერი

შემთხვევითი სიახლე

“ატალანტა” – “იუვე”: ფეხბურთელთა შეფასებები

ტურინის „იუვენტუსი“ სერია A-ს 31-ე ტურში ბერგამოს „ატალანტასთან“ 0:1 დამარცხდა. გთავაზობთ ფეხბურთელთა შეფასებებს Calciomercato-ს ვერსიით. …

პარატიჩი: “რონალდუ მხოლოდ ფეხბურთელი და სპორტსმენი არ არის”

ტურინის „იუვენტუსის“ სპორტულმა დირექტორმა ფაბიო პარატიჩიმ კრიშტიანუ რონალდუს შესახებ ისაუბრა. როგორც მან განაცხადა, პორტუგალიელი მხოლოდ …