“იუვენტუსი” ზაფხულში ტონალის დაიმატებს

ტურინის „იუვენტუსი“ ზაფხულის სატრანსფერო პერიოდში ნახევარდაცვის გაძლიერებას აპირებს. იტალიური მედიის ცნობით, „იუვეს“ მთავარი სამიზნე „ბრეშას“ ფეხბურთელი და იტალიური ფეხბურთის ამომავალი ვარსკვლავი სანდრო ტონალი იქნება.

19 წლის ფეხბურთელი სერია A-ში პირველ სეზონს ატარებს და მიუხედავად იმისა, რომ მისი გუნდი აუტსაიდერია, ის მაინც გამორჩეულია. უკვე იტალიის ნაკრებშიც ჰქონდა დებიუტი.

ტონალის სათამაშო სტილს ხშირად ანდრეა პირლოს ამსგავსებენ. ნიჭიერი ფეხბურთელისთვის „იუვეს“ 40-45 მილიონი ევროს გაღება მოუწევს. კლუბებს შორის მოლაპარაკებები უკვე დაწყებულია.