“იუვენტუსი” – “ლიონი” შესაძლოა მაყურებლებით გაიმართოს

უეფა ჩემპიონთა ლიგის დარჩენილ ოთხ მერვედფინალურ მატჩებზე მაყურებელთა ნაწილობრივ დაშვებას აპირებს. თუმცა, საბოლოო სიტყვა მასპინძელი ქვეყნების მთავრობებზე იქნება.

უეფაში აღმასკომის სხდომაზე განიხილავენ, რომ თამაშებზე სტადიონის ტევადობის 10% მაყურებლებისთვის გახსნან.

ვინაიდან, „ალიანც სთედიუმი“ 40 000 მაყურებელს იტევს, „ლიონთან“ თამაშს შესაძლოა 4 ათასი გულშემატკივარი დაესწროს.

ეს საკითხი ჯერჯერობით მხოლოდ განხილვის სტადიაშია და ყველაფერი ეპიდემიოლოგიურ მდგომარეობაზე იქნება დამოკიდებული.