იტალიის თასზე „უდინეზეს“ დამარცხების შემდეგ „იუვენტუსი“ მუშაობას აგრძელებს და დღეს ვარჯიში განაახლა.
გუნდი ორ ნაწილად გაიყო: ნაკლებად დაიტვირთნენ და აღდგენითი წვრთნა ჰქონდათ იმ მოთამაშეებს, რომლებაც გუშინ ითამაშეს, ხოლო დანარჩენებმა ჩვეულად ივარჯიშეს (მათ შორის იმ ფეხბურთელებმა, რომლებიც „უდინეზესთან“ ცვლილებაზე ჩაერთვნენ თამაშში).
არ უვარჯიშია კრიშტიანუ რონალდუს, რომელიც ავადაა და ჯერაც გამოჯანმრთელებას ელოდება.
ხვალ მორიგი საწვრთნელი პროცესი გაიმართება, ხოლო კვირას „იუვე“ სერია A-ს მეოცე ტურში „პარმას“ უმასპინძლებს.