“იუვე” – “მილანი”: ფეხბურთელთა შეფასებები

ტურინის „იუვენტუსმა“ სამთვიანი პაუზის შემდეგ მატჩი ჩაატარა და „მილანთან“ ნულოვანი ფრით იტალიის თასის ფინალში გავიდა.

გთავაზობთ ფეხბურთელთა შეფასებებს Calciomercato-ს ვერსიით:

ბუფონი შ.გ – მისი ჩარევა რეალურად საჭირო არ გამხდარა, მაგრამ ასეც კარგია. ახლა ფინალისთვის მოემზადება, თავისი ტურნირის, რადგან ამ სეზონში იტალიის თასის მეკარეა.

დანილო 6.5 – კარგი თამაში ჩაატარა, განსაკუთრებით პირველ ტაიმში.

კუადრადო შ.გ – მან მხოლოდ 5 წუთი ითამაშა.

დე ლიხტი 6.5 – შეცდომა საერთოდ არ დაუშვია. კიელინის დაბრუნების შემდეგ მისი სკამზე დასმა რთული იქნება.

ბონუჩი 6.5 – დე ლიხტთან ერთად ძალიან კარგად თამაშობდა. დაკისრებულ მისიას თავი გაართვა.

ალექს სანდრო 6.5 – ზაფხული 90 წუთით დაიწყო და დასაწყისი შესანიშნავია.

ბენტანკური 7 – საუკეთესო „იუვეში“ სტაბილურობით და ხარისხით. ის კარნახობდა პრესინგს და დარბოდა ყველა მონაკვეთში. „მეძალად“ თუ „რეჯისტად“, ორივე პოზიციაზე კარგი იყო.

პიანიჩი 5.5 – სარი ენდო, მაგრამ მან ცუდად ითამაშა. ამ ზაფხულს მისი ბარგი პრაქტიკულად მზადაა.

ხედირა 6 – დაბალი რიტმი, რაც თვალში საცემი იყო, მაგრამ არც არაფერი გაუფუჭებია.

მატუიდი 6 – ბევრი ირბინა, გოლთან ახლოს იყო.

რაბიო 5.5 – მას კიდევ ერთი ცუდი თამაში ჰქონდა.

დიბალა 6.5 – განსხვავებული იყო თავდამსხის მთელ ფრონტზე, 90 წუთი ითამაშა, რაც ყველაზე მნიშვნელოვანი სიახლეა კორონავირუსის შემდეგ.

რონალდუ 5 – პენალტი გააცუდა, მაგრამ სხვა ბევრ ეპიზოდშიც შეცდა.

დუგლას კოშტა 6.5 – ერთი საათის განმავლობაში ყველაზე აქტიური იყო. სეზონის დარჩენილ და გადატვირთულ ნაწილში შეიძლება გახდეს „იუვესთვის“ ფუნდამენტური.

ბერნარდესკი 5.5 – თამაშში ასეთი ჩართვით არაფრის მომცემი გახდება. კიდევ ერთი განიავებული შანსი.