მთავარი / სიახლეები / სერია A / “იუვე” – “ლაციო”: ფეხბურთელთა შეფასებები

“იუვე” – “ლაციო”: ფეხბურთელთა შეფასებები

ტურინის „იუვენტუსმა“ სერია A-ს 26-ე ტურში რომის „ლაციო“ ადრიენ რაბიოს გოლით და ალვარო მორატას დუბლით 3:1 დაამარცა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – გოლის დროს იმ მხარეს წავიდა, სადაც კორეას სურდა, შემდეგ ხშირად არაზუსტ „ლაციოს“ უნდა უმადლოდეს.

კუადრადო 6 – ტრავმის შემდეგ დაბრუნდა, ფუნდამენტურია, მაგრამ ცოტა დრო დასჭირდა, რომ თამაშში ჩართულიყო. შემდეგ დროის გასვლასთან ერთად გაიზარდა.

არტური 6 – მოულოდნელად დაბრუნდა, შესანიშნავი ამბავია.

დემირალი 5.5 – კორეას გოლის დროს ალბათ, ცოტა მეტის გაკეთება შეეძლო, ზოგადად დუელებს არგენტინელი ყოველთვის უგებდა.

ალექს სანდრო 6.5 – ისევ ცენტრალური მცველი, ისევ კაპიტანი, მაგრამ საბოლოოდ იმობილე გააკონტროლა, შესაბამისად, ეს ცუდი არ არის. კარგი თამაში ჰქონდა.

ბერნარდესკი 6 – მარცხენა მცველი. რამდენად შეეძლო, კარგად ითამაშა, კიეზასაც ზურგს უმაგრებდა. მეორე ტაიმის დასაწყისში ხარიხამ გადაარჩინა, რადგან მილინკოვიჩ-სავიჩი თამაშგარეში მის გამო არ იყო.

დანილო 6.5 – ნახევარდაცვაში მისი ყოფნა სიურპრიზი იყო. ცუდად არ უთამაშია, მეორე ტაიმში დაცვის ფლანგზე დაბრუნდა და ყველასთვის ასე უმჯობესი იყო.

რაბიო 7 – მის გოლში „იუვეს“ მთელი სიბრაზე იგრძნობოდა, მაგრამ ასევე პოტენციალის ფოტოგრაფია, რომელიც მას გააჩნია.

კულუშევსკი 5 – კორეას საგოლე პასი მან გაუკეთა, ამჯერად მარჯვენა ფლანგზე თამაში დაიწყო, მაგრამ შანსი ვერ გამოიყენა.

რემზი 5.5 – თავიდან ბევრი ხარვეზი ჰქონდა, მაგრამ მესამე გოლზე პენალტი გამოიმუშავა.

მაკკენი 6 – ამჯერად მან დაისვენა და თამაშში კარგად ჩაერთო.

კიეზა 7.5 – მარცხენა ფლანგზე იგივე არ არის, როგორც მარჯვნით,მაგრამ უტევდა სივრცეებში, როგორც ყოველთვის.

ბონუჩი შ.გ – ვიცე-კაპიტანი დაბრუნდა და 10 წუთი ითამაშა.

მორატა 7.5 – შეტევაში თავიდან მარტო დაიწყო. რაბიოს ლამაზი პასი გაუკეთა. რონალდუს გარეშე როდესაც თამაშობს, თითქმის ყოველთვის იტანს. კონტრშეტევა ბრწყინვალე სტილში დაასრულა და პენალტიც იდეალურად დაარტყა,

რონალდუ 6 – მას დასვენება სჭირდებოდა და გუნდმა არ დააღალატა. „პორტუსთან“ მისი ჯერია.

პირლო 7 – „იუვემ“ ცუდად დაიწყო, ძალიან ცუდად. ამჯერად რეაგირებს, ისე, როგორც აქამდე არასდროს. ამ გამარჯვებაში მისი წვლილი ნამდვილად დიდია.

შემთხვევითი სიახლე

ანდრეა პირლოს პრესკონფერენცია “ნაპოლისთან” მატჩამდე

ტურინის „იუვენტუსის“ მთავარმა მწვრთნელმა ანდრეა პირლომ „ნაპოლისთან“ მატჩის წინ პრესკონფერენცია გამართა. როგორც მან განაცხადა, ანდრეა …

კანავარო: “პირლოს თუ გაუშვებენ, “იუვე” მეორედ შეცდება”

ჩინური „გუანჯოუს“ მთავარმა მწვრთნელმა და ტურინის „იუვენტუსის“ ყოფილმა ფეხბურთელმა ფაბიო კანავარომ ანდრეა პირლოს შესახებ ისაუბრა. …