მთავარი / სიახლეები / სერია A / “იუვე” – “ლაციო”: ფეხბურთელთა შეფასებები

“იუვე” – “ლაციო”: ფეხბურთელთა შეფასებები

ტურინის „იუვენტუსმა“ სერია A-ს 34-ე ტურში რომის „ლაციო“ კრიშტიანუ რონალდუს დუბლით 2:1 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6.5 – პირველ ტაიმში იმმობილეს დარტყმის შემდეგ ძელმა გადაარჩინა, პენალტის დროს უძლუერი იყო, ხოლო შემდეგ მილინკოვიჩ-სავიჩის ჯარიმა მოიგერია და გუნდს გამარჯვებაში დიდად დაეხმარა.

კუადრადო 5.5 – ზოგჯერ ძალიან უჭირდა, მას უკეთესი საღამოებიც ჰქონია.

დე ლიხტი 6 – თავზე ყველა ბურთი იყო, მაგრამ იმმობილე ადვილი მეტოქე არ იყო.

ბონუჩი 5 – თითქოს კარგად თამაშობდა, მაგრამ ძალიან სერიოზული შეცდომა დაუშვა, როდესაც პენალტი აიკიდა. უყურადღებო იყო და თამაში დაძაბა, რაც შეიძლებოდა „იუვეს“ უფრო ძვირად დაჯდომოდა.

ალექს სანდრო 6 – თავით ბურთი ძელს გაარტყა, შემდეგ ლაძარის გაუმკლავდა, მაგრამ მხოლოდ ერთი ტაიმი ჩაატარა მაღალ დონეზე.

რემზი 6 – როგორც იქნა, ძირითადში მოხვდა. თუმცა, ეს არ ყოფილა საუკეთესო თამაში.

მატუიდი 6 – თამაშში ჩაერთო, რომელიც პრაქტიკულად უკვე მოგებული იყო. მისთვის მნიშვნელოვანი წუთები ითამაშა.

ბენტანკური 5.5 – „იუვეს“ ნახევარდაცვაში ის საუკეთესოა ამ სეზონში. შეიძლება „ლაციოსთანაც“, მაგრამ პირველ ტაიმში სერიოზული შეცდომა დაუშვა და იმმობილეს გატანაში ხელი ძელმა შეუშალა.

რაბიო 6.5 – ის კი, იზრდება. მაგრამ თანაგუნდელებთან შეთამაშება ჯერ კიდევ აკლია.

დუგლას კოშტა 5.5 – კარგად დაიწყო, თუმცა შემდეგ თამაშიდან დაიკარგა.

დანილო 5.5 – „იუვეს“ ანგარიშის შენარჩუნებაში უნდა დახმარებობა, მაგრამ ბოლოს ისეთი ჯარიმა აიკიდა, რომ არა შჩესნი ანგარიში 2:2 გახდებოდა.

დიბალა 7.5 – ის სათადარიგო სკამზე უნდა ყოფილიყო, რომ არა იგუაინის ტრავმა გაზურებისას. ძალიან კარგად ითამაშა და ტურინელთა ყველა შეტევა პრაქტიკულად მასზე გადიოდა. მეორე გოლში უდიდესი წვლილი შეიტანა.

რუგანი შ.გ – ის სარიმ მხოლოდ ანგარიშის შესანარჩუნებლად მატჩის მიწურულს შეიყვანა მინდორზე.

რონალდუ 7 – მეორე ტაიმი პენალტით დაიწყო, შემდეგ კი დიბალას პასით დუბლი შეასრულა. 51 გოლი სერია A-ში, 30 მიმდინარ სეზონში – ოქროს ბუცის რიტმი.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …