მთავარი / სიახლეები / “იუვე” – კალიარი”: ფეხბურთელთა შეფასებები

“იუვე” – კალიარი”: ფეხბურთელთა შეფასებები

ტურინის „იუვენტუსმა“ „კალიარი“ 3:1 დაამარცხა. ტრადიციულად მატჩის შემდეგ გთავაზობთ Tuttosport-ის ვერსიით ფეხბურთელთა შეფასებებს:

ვოიცეხ შჩესნი 6 – პავოლეტის დარტყმის დროს დიდი რეფლექსები გამოავლინა, მაგრამ ჟოაო პედროს ეპიზოდში დაგვიანა.

ჟოაუ კანსელუ 6 – პირველი საგოლე შეტევა სწორედ მანდ დაიწყო. თუმცა, ჟოაო პედროს გოლის დროს მეტოქის აყვანა დააგვიანა.

ლეონარდო ბონუჩი 6.5 -დაცვას ხელმძღვნაელობდა და ზონებს დროულად კეტავდა. განსაკუთრებული შეცდომა პირველ ტაიმში ჰქონდა, როდესაც პავოლეტის დაარტყმევინა ახლო მანძილიდან.

მეჰდი ბენატია 7 – საოცარი იყო საჰაერო ორთაბრძოლებში. პავოლეტისთან პუნქტუალურად თამაშობდა და არასდროს აგვიანებდა. განსაკუთრებით მატჩის მიწურულს, როდესაც 2:1 იყო ანგარიში და მეტოქის დარტყმულს დროულად გადაეფარა.

მატია დე შილიო 6.5 – მარცხენა ფლანგზე ითამაშა, თუმცა საიმედოდ.

როდრიგო ბენტანკური 7.5 – დიბალას პირველ გოლში დიდი როლი ითამაშა. მოიპოვა ძალიან ბევრი ბურთი. ძალიან ხარისხიანი თამაში ჩაატარა. ამ მომენტში მას დიდი ნდობა აქვს და ისიც დღითიდღე უმატებს. განსაკუთრებით, როდესაც საჯარიმოსთანაა.

მირალემ პიანიჩი 6.5 – კარგი მატჩი ჰქონდა. თუმცა, ალეგრიმ ჩემპიონთა ლიგაზე იფიქრა და მეორე ტაიმის შუაში შეცვალა.

ალექს სანდრო შ.გ – ბრაზილიელმა 20 წუთი ითამაშა, მარცხენა ფლანგზე, თუმცა ნახევარდაცვაში.

ბლეზ მატუიდი 6.5 – იბრძოდა, უტევდა, როდესაც თავდამსხმელებს საჯარიმოში ეხმარებოდა, ყოველთვის ფასდაუდებელია.

ანდრეა ბარძალი შ.გ – ბარძალიმ მოედანზე მხოლოდ 7 წუთი გაატარა.

დუგლას კოშტა 7 – მეორე გოლში მიიღო მონაწილეობა. მანამდეც სცდილობდა ჩვეულ სტილში თამაშს, მაგრამ საუკეთესო ფორმაში არაა. შესვენებაზე ტრავმის გამო შეცვალეს. ჩემპიონთა ლიგისთვის მისი მდგომარეობა შესაფასებელია.

ხუან კუადრადო 7 – კოლუმბიელი თამაშში დიდებულად ჩაერთო. შეხვედრას წერტილი სწორედ მან დაუსვა მას შემდეგ, რაც კრიშტიანუ რონალდუსგან შესანიშნავი პასი მიიღო.

პაულო დიბალა 7.5 – ანგარიში 42-ე წამზე გახსნა („იუვეს“ ისტორიაში ყველაზე სწრაფ გოლთა შორის მეორე ადგილზეა) და შეხვედრა კარგად დაიწყო.

კრიშტიანუ რონალდუ 7.5 – ქუსლი, მაკრატელა, ძელი – ბევრი კარგი ეპიზოდი ჰქონდა. ბოლოს კუადრადოს საგოლე პასი გაუკეთა საოცარ კონტრშეტევაზე. მისი ციფრები განვლილ 11 ტურში დიდებულია.

შემთხვევითი სიახლე

პლატინი: “იუვენტუსში” არ დავბრუნდები”

ტურინის „იუვენტუსის“ ლეგენდამ მიშელ პლატინიმ გუნდში დაბრუნება გამორიცხა. ფრანგის განცხადებით, შეუძლებელია დაბრუნდეს იქ, სადაც სიყვარული …

ემრე ჯანი: “კმაყოფილი არ ვარ, მაგრამ არ დავნებდები”

ტურინის „იუვენტუსის“ ნახევარმცველი ემრე ჯანი უკმაყოფილოა. გერმანელი ფეხბურთელი თავს ბედნიერად ვერ გრძნობს, რადგან სათამაშო პრაქტიკას …