მთავარი / სიახლეები / “იუვე” – “ჯენოა”: ფეხბურთელთა შეფასებები

“იუვე” – “ჯენოა”: ფეხბურთელთა შეფასებები

ტურინის „იუვენტუსმა“ იტალიის თასის მერვედფინალში „ჯენოა“ დამატებით დროში 3:2 დაამარცხა. დეიან კულუშევსკისა და ალვარო მორატას გოლების შემდეგ, დამატებით დროში გამარჯვების გოლი დებიუტანტმა ჰამზა რაფიამ გაიტანა. გთავაზობთ ფეხბურთელთა შეფასებებს Calciomercato-ს ვერსიით:

ბუფონი 5.5 – გოლების დროს არ იყო ისეთი რეაქტიული, როგორც თავის კარგ თამაშებში.

დრაგუსინი 6 – ქანდაკებასავით სხეული აქვს და ნამდვილად კარგი მომავალი. „იუვეს“ მისი სჯერა. თავდაჯერებულმა ითამაშა, მცირედი შეცდომებიც ჰქონდა.

დემირალი 6 – მას ნორმალური თამაში ჰქონდა.

დანილო 6 – დაისვენა, მაგრამ არც ისე ბევრი. ის დღეს „იუვესთვის“ ფუნდამენტური ფეხბურთელია.

კიელინი 6.5 – მისი მოედანზე ნახვა ყოველთვის სასიხარული ამბავია. სწორად დაიწყო და კულუშევსკის შესანიშნავი საგოლე პასი გაუკეთა.

ბონუჩი 6 – იქნებ მას თამაში ყველაზე ნაკლებად სჭირდებოდა, მაგრამ როცა გუნდისთვის საჭიროა, ის ყოველთვის მზადაა.

ვესლი 5.5 – თავიდან კარგად დაიწყო, მაგრამ პირველ გოლში დააგვიანა. ბურთი, როდესაც ჰქონდა, უკეთესი იყო, ვიდრე უბურთოდ.

რონალდუ 6 – ის მაინც საჭირო გახდა და თავი დიდად არ გამოუჩენია, მაგრამ გადამწყვეტი საგოლე შეტევა დაიწყო.

არტური 5.5 – კარგი თამაში კონდიციაში დასაბრუნებლად, მაგრამ ნაკლებად ხარისხოვანი. დამატებით დროში ცარიელი კარიდან ბურთი გამოიტანა და ეს ყველაზე დასამახსოვრებელი მოქმედება იყო.

ბენტანკური 6 – ყვითელ ბარათებს უკვე მუდმივად იღებს.

რაბიო 6 – ინტერთან მატჩის წინ კარგი ტესტი ჰქონდა.

პორტანოვა 6 – არც ისე ცუდი იყო, გოლიც გაუუქმეს თამაშგარის გამო.

რაფია 6.5 – გამარჯვების გოლი მის ანგარიშზეა და ესეც საკმარისია გასახსენებლად.

ბერნარდესკი 5.5 – პოზიცია იცვლება, კონტექსტი იცვლება, არ იცვლება დამოკიდებულება, რომელშიც ჩანს, რომ ის ყოველთვის ფაზებს გარეთაა.

კულუშევსკი 6.5 – მზად იყო და გოლიც გაიტანა. შემდეგ მორატას შესანიშნაავი საგოლე პასი გაუკეთა. თავდამსხმელად უკეთ თამაშობს, მაგრამ ჰქონდა ხარვეზებიც.

მორატა 7 – საუკეთესო კონდციებში დაბრუნებას ცდილობს, გოლი გაიტანა და კიდევ ბევრჯერ შეეძლო გატანა. „ინტერისთვის“ მზად არის. მან 120 წუთი ითამაშა.

პირლო 6 – მატჩის გეგმა სრულყოფილი ჩანდა, სანამ „ჯენოა“ ანგარიშს გაათანაბრებდა და გუნდს დამატებითი დროის თამაში მოუწევდა. იმედია, ეს „ინტერთან“ მატჩის წინ ფატალური შეცდომა არ აღმოჩნდება.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …