“იუვე” – “ინტერი”: ფეხბურთელთა შეფასებები

ტურინის „იუვენტუსმა“ იტალიის თასის ფინალში „ინტერთან“ 0:0 ითამაშა და ორი მატჩს ჯამში მეტოქეს 2:1 აჯობა, შესაბამისად, ფინალში გავიდა. გთავაზობთ ფეხბურთელთა შეფასებებს Calciomercato-ს ვერსიით:

ბუფონი 6 – ბურთის ფლობის დროს პრობლემები ჰქონდა, მაგრამ სინამდვილეში კარის ხაზზე შეცდომა არ დაუშვია.

დანილო 7 – უფრო მშვიდი იყო, ვიდრე ალექს სანდრო. ის ხშირად ცენტრალურ ნახევარმცველებს ეხმარებოდა, მეორე ტაიმში დაცვას ხელმძღვანელობდა. პრაქტიკულად მოედანზე მწვრთნელი იყო.

დემირალი 7 – გლადიატორი, ძველმოდური სტოპერი. ბიჭი, რომელმაც იცის თამაში, მაშინ, როდესაც საქმე რთულდება.

დე ლიხტი 6.5 – დაცვით ფაზაში გიგანტი, ბურთით პრობლემები ჰქონდა, მაგრამ ლუკაკუ გაანეიტრალა და შესაბამისად, მისია შესრულებულია.

ალექს სანდრო 6 – ზედიზედ მესამე თამაში. თითქმის 1 საათი ჰაკიმისთან პრობლემები ჰქონდა, შემდეგ მოახერხა მისი განეიტრალება და გაიზარდა.

კუადრადო 5.5 – ჩვეულებრივზე მეტად დაბნეული იყო.

კიელინი შ.გ – ჯორჯომ ბოლო რამდენიმე წუთი ითამაშა.

ბენტანკური 5 – ბევრი შეცდომა დაუშვა, როგორც წვრილმანი, ისე სერიოზული. ბოლო 30 მეტრის მონაკეთში კი ის კარში არასდროს ურტაყმს.

რაბიო 6.5 – ბენტანკურზე უკეთესი. კვირაში სამი თამაში ჩაატარა და ყველა შემთხვევაში კარგად გამოიყურებოდა.

ბერნარდესკი 5.5 – შეეძლო შანსი გამოეყენებინა, მაგრამ კიდევ ერთხელ მოსაწყენად ითამაშა.

მაკკენი 6 – გუნდს დაეხმარა ბოლო წუთებში ბრძოლაში. რონალდუს პირისპირ ჰანდანოვიჩის რომ ეჯობნა, საგოლე პასსაც გააკეთებდა.

კულუშევსკი 5.5 – ყოველთვის რაღაც აკლია, მაგრამ ის არ თამაშობს თავის პოზიციაზე. დისტანციაზე თამაშში უკეთესი იყო, მაგრამ ეს არ გახლდათ საკმარისი.

კიეზა შ.გ – ფედერიკომ დაისვენა და მხოლოდ ბოლო რამდენიმე წუთი ითამაშა.

რონალდუ 6 – პირველ ტაიმში ორი-სამი ეპიზოდი შეიქმნა დასარტყმელად, მაგრამ „ნერაძურის“ ფეხბურთელებმა დაუბლოკეს. მეორე ტაიმში ჰანდანოვიჩმა ორი საოცარი სეივი განახორციელა. მთლიანობაში შექებას იმსახურებს იმ დამოკიდებულებისთვის, რომ არაფერი დაუთმია და შეტევაში მხოლოდ ის ცდილობდა გამწვავებას.