მთავარი / სიახლეები / “იუვე” – “ფიორენტინა”: ფეხბურთელთა შეფასებები

“იუვე” – “ფიორენტინა”: ფეხბურთელთა შეფასებები

ტურინის „იუვენტუსმა“ 2020 წელი ცუდად დაასრულა და „ფიორენტინასთან“ შინ 0:3 წააგო. „ალიანც სთედიუმზე“ „იუვემ“ სერია A-ში პირველად იწვნია სამბურთიანი სხვაობით მარცხი და რა თქმა უნდა, ფეხბურთელებმა ძალიან დაბალი შეფასებები მიიღეს.

გთავაზობთ ფეხბურთელთა შეფასებებს Calciomercato-ს ვერსიით:

შჩესნი 5.5 – ალბათ ვლაჰოვიჩის გოლის სიტუაცია არასწორად წაიკითხა, შემდეგ კასტროვილის დარტყმისგან გუნდი გადაარჩინა და შეინარჩუნა 0:1 მანამ, სანამ ბონუჩი-ალექს სანდრო არ დააღალატებდა.

კუადრადო 4 – სეზონის პირველი ნახევარი მისთვის თითქმის სრულყოფილ იყო, მაგრამ ამ საშინელი უხეშობით ყველაფერი გაანადგურა.

დე ლიხტი 5.5 – უკან საუკეთესო იყო ან უფრო სწორად, ყველაზე ნაკლებად ცუდი. ბოლოს ტრავმა მიიღო და ახლა მხოლოდ იმედი ვიქონიოთ, რომ სერიოზული არაფერია.

ფრაბოტა შ.გ – მან დე ლიხტი ბოლოს შეცვალა.

ბონუჩი 4 – ვლაჰოვიჩმა აჯობა პირველი გოლის დროს, თავიდნავე ცუდად დაიწყო თამაში, რომელიც შემდეგ უამრავი და მძიმე შეცდომებით გაგრძელდა.

ალექს სანდრო 4.5 – ცდილობდა გუნდს დახმარებოდა, მაგრამ არ გამოსდიოდა. მისი ავტოგოლი კი სურათი იყო „იუვენტუსის“ ცუდი თამაშის.

კიეზა 5.5 – არასდროს ნებდებოდა, მაგრამ ეს უმნიშვნელო იყო.

მაკკენი 6 – ამ ფუნდამენტურ მომენტში მისი დინამიურობა ძალზე მნიშვნელოვანია. რიცხობრივ უმცირესობაში მაინც ცდილობდა ნაპრალების შევსებას.

კულუშევსკი შ.გ – ის პრაქტიკულად დასრულებულ თამაშში ჩაერთო.

ბენტანკური 5 – ბევრი და ძალიან ბევრი არასწორი მოქმედებები.

რემზი 6 – კუადრადოს გაძევებას ის შეეწირა და ეს კარგად არ მიუღია.

დანილო 5.5 – ის ჩაერთო თამაშში კუადრადოს გაძევების შემდეგ და მეორე ტაიმში ერთ-ერთი ყველაზე პოზიტიური მოთამაშე იყო თავის გუნდში.

მორატა 5 – ცდილობდა თავისი სიჩქარე გამოეყენებინა, მაგრამ გადამწყვეტი საწყისი წერტილი ვერ იპოვა და შესვენებაზე შეცვალეს.

ბერნარდესკი 4.5 – მისთვის ეს დიდი შანსი იყო, მაგრამ ცუდად ითამაშა, პრაქტიკულად ყველა არჩევანი და მისი გადაწყვეტილება არასწორი იყო.

რონალდუ 6 – ცდილობდა და ისევ ცდილობდა. ურტყამდა, მოიპოვა ჯარიმები, მაგრამ ეს საკმარისი არ იყო.

პირლო 4 – არსებითად ყველაფერი არასწორია. მას გუნდისთვის სტაბილურობა უნდა მიენიჭებინა, მაგრამ მოედანზე ყველაზე ცუდი „იუვე“ ვიხილეთ, სწორი დამოკიდებულები გარეშე. დანილო-რემზის ცვლილება ძალიან ნაჩქარევი ჩანს. არ იყო აუცილებლობა ნახევარმცველის მოხსნა „ფიორენტინასთან“, რომელიც ერთი თავდამსმხელით თამაშობდა. საბოლოოდ 0:3-ით ამთავრებს წელს და სატურნირო ცხრილი უფრო და უფრო რთულდება.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …