იტალიურ მედიაში ხშირად განიხილება ნიკოლო ძანიოლოს, მარიო მანჯუკიჩის და ფედერიკო კიეზას მომავალი.
ფაქტიურად გადაწყვეტილია, რომ მარიო მანჯუკიჩი ტურინს დატოვებს. მაურიციო სარი მას თითქმის არ ენდობა რაც მის სათამაშო დროზეც აისახება. მომსვლელთა რიგებში კი არიან ნიკოლო ძანიოლო რომადან და ფედერიკო კიეზა ფიორენტინადან. უფრო დეტალურად კი ქვემოთ.
ნიკოლო ძანიოლო | იტალიური გამოცემა tuttosport-ის მიერ გავრცელებული ინფორმაციის თანახმად, იუვენტუსი არ კარგავს ინტერესს რომას თავდამსხმელზე, ნიკოლო ძანიოლოზე, რომელიც მისი თაობის ერთ-ერთ ყველაზე ნიჭიერ იტალიელ ფეხბურთელად ითვლება. თუმცა პრობლემა შეიძლება იყოს ის, რომ ახლახან რომაელებმა ფეხბურთელთან კონტრაქტი 2024 წლამდე გაახანგრძლივეს.
მარიო მანჯუკიჩი | მანჩესტერ იუნაიტედს სურს იუვენტუსის თავდამსხმელის მარიო მანჯუკიჩის გადაბირება ზამთრის სატრანსფერო ფანჯრის დროს. წითელი ეშმაკები ფეხბურთელის ღირებულების შესამცირებლად ეცდებიან ტრანსფერში ტაჰიტ ჩონგის ჩართვას, რომლის მიმართაც ინტერესს იუვენტუსიც იჩენს.