ტურინის „იუვენტუსმა“ იტალიის თასის მეოთხედფინალში „რომა“ ადვილად 3:1 დაამარცხა და შემდეგ ეტაპზე გავიდა. გთავაზობთ რამდენიმე საინტერესო ფაქტს და სტატისტიკურ მონაცემს, რომელიც ამ შეხვედრის შემდეგ დაფიქსირდა.
41 – 1951 წლიდან პირველად „იუვენტუსმა“ ზედიზედ 41 საშინაო შეხვედრაში მოახერხა მინიმუმ 1 გოლის გატანა.
15 – კრიშტიანუ რონალდუმ იტალიის თასზე პირველი გოლი გაიტანა. პორტუგალიელს 17 სხვადასხვა საკლუბო ტურნირში უთამაშია და 15-ში გოლი აქვს გატანილი. გამონაკლისი მხოლოდ უეფას თასი და კომუნითი შილდია. „რომას“ კარში მეშვიდე გოლი გაიტანა და თუ „იუვეს“ გამოვაკლებთ, იტალიურ გუნდთაგან ყველაზე მეტჯერ სწორედ რომაელები დაამწუხრა.
32 – „იუვენტუსი“ იტალიის თასის ნახევარფინალში 32-ედ გავიდა და ეს რეკორდია.
17 – გონსალო იგუაინმა კრიშტიანუ რონალდუს საგოლე პასი კარიერაში მე-17-ედ გაუკეთა. მეორედ „იუვენტუსის“ რიგებში.
3 – ლეონარდო ბონუჩიმ „რომას“ კარიერაში მესამე გოლი გაუტანა. ამაზე მეტი არცერთი სხვა გუნდის კარში არ გაუტანია.
1 – როდრიგო ბენტანკურმა „ალიანც სთედიუმზე“ სადებიუტო გოლის გატანა მოახერხა.
14 – მაურიციო სარიმ “იუვენტუსის” მთავარი მწვრთნელის პოსტზე საწყისი 15 შეხვედრიდან 14 მოიგო და კარლო პაროლას 1960 წელს დამყარებული რეკორდი გაიმეორა. თუმცა, პაროლას დროს “იუვემ” 14 გამარჯვების წილ 1 მატჩი წააგო, ხოლო სარის “იუვე” დაუმარცხებელია – 14 მოგება, 1 ფრე.