პაულო დიბალამ და „იუვენტუსმა“ ხანგრძლივი მოლაპარაკებების შემდეგ, როგორც ჩანს კონტრაქტის გახანგრძლივებაზე საბოლოო შეთანხმებას მიაღწიეს.
Tuttosport-ის ინფორმაციით, დიბალა სეზონში 7 მილიონ ევროს მიიღებს, რასაც გარანტირებული ბონუსები დაემატება და მისი ხელფასი 10 მილიონ ევროს გაუტოლდება (შეიძლება უფრო მეტსაც, გააჩნია, როგორ ითამაშებს).
დიბალა „იუვესთან“ ხელშეკრულებას 3 წლით გაახანგრძლივებს და ტურინში 2025 წლის ზაფხულამდე დარჩება. შეგახსენებთ, რომ პაულო „იუვემ“ 2015 წელს „პალერმოდან“ შეიძინა და 228 მატჩში 95 გოლი აქვს გატანილი.