Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ ფეხბურთელმა პაულო დიბალამ „ბოლონიასთან“ გამარჯვების შემდეგ კომენტარი გააკეთა. არგენტინელის განცხადებით, ჯერ საუკეთესო ფორმისგან შორსაა.
„გოლის მომენტში ბერნარდესკიმ კარგად შემნიშნა, შემდეგ ვისარგებლე მოძრაობით, რადგან ალბათ მცველი ფიქრობდა, რომ ბურთს დავუბრუნებდი. იტალიის თასი? რომ მოგვეგო, გვეტყოდით, რომ კარგად ვითამაშეთ, მაგრამ არა შესანიშნავად. დღეს უკეთესები ვიყავით, ადვილი არაა მოკლე დროში ნდობის მოპოვება.
დღეს საუკეთესო კონდიციაში არ ვიყავი, მაგრამ ბედნიერი ვარ ამ თამაშის გამო. იმ პაუზის შემდეგ რამდენიმე თამაშში ძნელია ფორმის აღდგენა, შეიძლება მატჩების დროს ჩაკარგვაც იყოს.
რაც შეეხება მოედანზე ჩემს პოზიციას, არანაირი პრობლემა არ მაქვს, მწვრთნელთან ვსაუბრობთ, რომელიც მაძლევს თავისუფლებას და თანაგუნდელებთან ერთად ყველასთვის შესაფერისი გამოსავლის პოვნას ვცდილობთ“, – აღნიშნა დიბალამ.
შეგახსენებთ, რომ „იუვენტუსი“ მომდევნო მატჩს 26 ივნისს, ტურინში, „ლეჩესთან“ გამართავს.
