მთავარი / სიახლეები / დეპაი: “იუვეს” ხარისხი ვიცი, მაგრამ “ლიონს” ვენდობი”

დეპაი: “იუვეს” ხარისხი ვიცი, მაგრამ “ლიონს” ვენდობი”

ფრანგული „ლიონის“ ფეხბურთელმა მემფის დეპაიმ „იუვენტუსთან“ მატჩის წინ პრესკონფერენციაზე ისაუბრა. ჰოლანდიელი ფეხბურთელის განცხადებით, თვითონაც და „ლიონიც“ კარგ ფორმაშია.

„სერიოზული ტრავმა მქონდა და დიდი ხანი გამიცდა, მაგრამ დავბრუნდი, რამდენიმე ამხანაგური თამაში და სუპერთასზე ვითამაშე და ვფიქრობ, კარგ კონდიციაში ვიმყოფები. ხვალ განსაკუთრებული მატჩი გაიმართება, თუნდაც ისაა განსხვავებული, რომ გულშემატკივრები არ იქნებიან.

„იუვეს“ ხარისხი ვიცი, მაგრამ ჩემს გუნდს ვენდობი და რამდენიმე თამაში ჩავატარეთ. დე ლიხტი? კარანტინის დროს მას ვესაუბრე, როდესაც ჰოლანდიაში ვიყავით. შესანიშნავი სეზონი აქვს და მისით ვამაყობ. თუმცა, ხვალ ჩვენ არა მეგობრები, არამედ მეტოქეები ვიქნებით“, – აღნიშნა დეპაიმ.

შეგახსენებთ, რომ „იუვენტუსისა“ და „ლიონის“ მატჩი 7 აგვისტოს, თბილისის დროით 23:45 საათზე დაიწყება.

შემთხვევითი სიახლე

პირლო: “თავდამსხმელი რაც შეიძლება მალე მჭირდება”

ტურინის „იუვენტუსის“ მთავარმა მწვრთნელმა ანდრეა პირლომ „ნოვარასთან“ ამხანაგური მატჩის (5:0) მოგების შემდეგ კომენტარი გააკეთა. იტალიელმა …

“იუვემ” ანდრეა პირლოს ხელმძღვანელობით პირველი მატჩი ჩაატარა [VIDEO]

ტურინის „იუვენტუსმა“ ანდრეა პირლოს ხელმძღვანელობით პირველი თამაში ჩაატარა. „ბებერი სინიორა“ ამხანაგურ მატჩში „ნოვარას“ გაეჯიბრა და …