დე ლიხტმა ოპერაცია გაიკეთა და 3 თვე ვერ ითამაშებს

ტურინის „იუვენტუსის“ მცველმა მატიას დე ლიხტმა რომის ერთ-ერთ კლინიკაში მხარზე ოპერაცია გაიკეთა, ქირურგიულმა ჩარევამ წარმატებით ჩაიარა. ინფორმაცია „იუვეს“ ვებგვერდმა გაავრცელა.

სარეაბილიტაციო პერიოდი დაახლოებით 3 თვეს გასტანს და ნიდერლანდელი მოედანზე ნოემბერში დაბრუნდება. შესაბამისად, ანდრეა პირლოს სამწვრთნელო კარიერის პირველ ეტაპზე მატიასი დააკლდება.

აღსანიშნავია, რომ დღეს დე ლიხტი იუბილარია, 21 წლის გახდა. გასულ სეზონში მან „იუვეში“ ყველა ტურნირზე 39 თამაში ჩაატარა და 4 გოლი გაიტანა.

Intervento perfettamente riuscito per @mdeligt_04
➡ https://t.co/Y5QUZXoinr pic.twitter.com/fuMq6s35Jb

— JuventusFC (#Stron9er 🏆🏆🏆🏆🏆🏆🏆🏆🏆) (@juventusfc) August 12, 2020