მთავარი / სიახლეები / ალვარო მორატას საოცარი სეზონი და პირადი რეკორდი

ალვარო მორატას საოცარი სეზონი და პირადი რეკორდი

ტურინის „იუვენტუსის“ ფორვარდმა ალვარო მორატამ სეზონი შესანიშნავად დაიწყო და განსაკუთრებით შთამბეჭდავად ჩემპიონთა ლიგაზე თამაშობს.

5 ტურის შემდეგ ესპანელი 6 გოლით ბომბარდირთა დავას ერლინგ ჰოლანდთან და მარკუს რაშფორდთან ერთად ლიდერობს.

მორატამ პირადი რეკორდი დაამყარა. აქამდე ერთ სეზონში ჩემპიონთა ლიგაზე 6 გოლი მას არასდროს გაეტანა. საუკეთესო შედეგი იყო 2014-2015 წლების სეზონში 12 მატჩში 5 გოლი და მაშინაც „იუვეს“ ღირსებას იცავდა.

მან 3-3 გოლი გაუტანა კიევის „დინამოსა“ და „ფერენცვაროშს“, ხოლო „ბარსელონასთან“ თავი ვერ გამოიჩინა, თუმცა იმ მატჩში ალვაროს 3 გოლი არ ჩაუთვალეს და ყველა შემთხვევაში მცირე თამაშგარის გამო. გარდა ამისა, მორატას 3 გოლი სერია A-ში აქვს გატნილი (გაუქმებული გოლების რაოდენობა აქ ოთხია).

და ბოლოს, ალვარო მორატა „იუვენტუსის“ პირველი ფეხბურთელია 2001-2002 წლების სეზონის შემდეგ, რომელმაც ჯგუფურ ეტაპზე მინიმუმ 6 გოლი გაიტანა. ბოლოს მსგავსი შედეგიანობით 19 წლის წინ დავიდ ტრეზეგემ ითამაშა.

შემთხვევითი სიახლე

კიეზა “უდინეზესთან” ვერ ითამაშებს – “იუვეს” განაცხადი

ტურინის „იუვენტუსი“ სერია A-ს 34-ე ტურში „უდინეზეს“ სტუმრად დაუპირისპირდება. ამ მატჩში ისევ ვერ ითამაშებს ფედერიკო …

დონარუმას ტრანსფერი რეალურ სახეს იღებს

ტურინის „იუვენტუსი“ ჯანლუიჯი დონარუმას ტრანსფერზე შეტევას აძლიერებს. Tuttosport-ის ინფორმაციით, კლუბის წარმომადგენლები მინო რაიოლას შეხვდნენ და …