ტურინის „იუვენტუსის“ მეკარე ვოიცეხ შჩესნიმ ბრიტანულ გამოცემა The Sun-ს ინტერვიუ მისცა, რომელშიც აღნიშნა, რომ პოლ პოგბას დაბრუნება ძალიან გაუხარდება.
პოლონელის განცხადებით, როდესაც პოგბა ფორმაშია, მსოფლიოში ერთ-ერთი საუკეთესოა და ფრანგის დაბრუნებას მხოლოდ მიესალმება.
„პოგბას „იუვეში“ დიდი სიამოვნებით ვიხილავდი. „იუვეში“, როდესაც იყო, ძალიან კარგად თამაშობდა, ამიტომაც, გუნდისთვის შესანიშნავი შენაძენი იქნება. ის მაღალი დონის და გამოცდილი მოთამაშეა, თანაც, კარგი მოგონებები აქვს ტურინთან. ისევ თუ ტოპ ფეხბურთელია? რა თქმა უნდა! ბოლო ორ წელიწადში შესაძლოა სტაბილური არ იყო, მაგრამ ტრავმები აწუხებდა. როდესაც ის ფორმაშია, მსოფლიოში ერთ-ერთი საუკეთესოა“, – თქვა შჩესნიმ.
შეგახსენებთ, რომ „იუვენტუსს“ პოლ პოგბას აქტიურად უკავშირებენ. ფრანგი ამჟამად თავისუფალი აგენტია და იტალიური მედიის ცნობით, „იუვეში“ დაბრუნებასთან ძალიან ახლოსაა.