მთავარი / სიახლეები / სერია A / შჩესნი: “ასე თამაში კარგი არ არის”

შჩესნი: “ასე თამაში კარგი არ არის”

ტურინის „იუვენტუსის“ მეკარე ვოიცეხ შჩესნიმ „კალიარისთან“ (2:0) მატჩის შემდეგ კომენტარი გააკეთა. პოლონელი ფეხბურთელის განცხადებით, „იუვემ“ ბევრად უკეთ უნდა ითამაშოს, რადგან ეს ხარისხი გრძელვადიან პერსპექტივაში კარგი არ არის.

„ვიმუშავეთ, მაგრამ ვფიქრობ, რომ ჯერ კიდევ ბევრი რამ გვაქვს გასაუმჯობესებელი, დაცვის ფაზაში და კიდევ უფრო შეტევაში, რადგან ხანდახან ზედმეტად უკნიდან ვთამაშობთ, როცა 1:0-ს ვიგებთ, ალბათ იმიტომ, რომ თავს ასე კარგად ვგრძნობთ, მაგრამ ეს კარგი არ არის.

გრძელვადიან პერსპექტივაში ეს არ არის კარგი, ეს არ მომწონს. თუმცა, დღეს მოვიგეთ და ძალიან მნიშვნელოვანი ქულები მოვიპოვეთ. ხშირად მეორე ტაიმში კონცენტრაციას ვკარგავთ, ეს მოხდა დღესაც, ვენეციაშიც, ამჯერად ყველაფერი კარგად დასრულდა, „ვენეციასთან“ კი გოლი გავუშვით. ჩემს სეივს რამდენი ქულით შევაფასებ? 6 ქულით, ვფიქრობ, დარტყმა ცენტრში განხორციელდა“, – თქვა შჩესნიმ.

შეგახსენებთ, რომ „იუვენტუსმა“ პირველი წრე 34 ქულით დაასრულა და „ატალანტას“, რომელიც მეოთხე ადგილზეა, 4 ქულით ჩამორჩება. „იუვე“ მომდევნო მატჩს 6 იანვარს, შინ „ნაპოლისთან“ გამართავს.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …