ვოიცეხ შჩესნიმ პოლონელ ჟურნალისტებთან საუბრისას იმ ჭორებს უპასუხა, რომლის მიხედვითაც „იუვენტუსს“ მისი გასხვისება სურს. პოლონელი კიპერის განცხადებით, მას კონტაქტი სხვა კლუბებთან არ ჰქონია.
„ვეცდები ერთხელ და სამუდამოდ ვუპასუხო ამ კითხვას. მედიაში ამ თემაზე დიდი ხანია საუბრობენ და მასზე კომენტარის გაკეთება საჭიროა. არანაირი კონტაქტი არ მქონია ჩემს კლუბთან და არც სხვა სხვა კლუბთან, რადგან არ არსებობს არანაირი არგუმენტი ჩემს წასასვლელად. მე არ ვარ პასუხისმგებელი „იუვენტუსის“ ტრანსფერებზე“, – თქვა შჩესნიმ.
შეგახსენებთ, რომ „იუვენტუსი“ ჯანლუიჯი დონარუმას მხოლოდ იმ შემთხვევაში დაიმატებს, თუ ვოიცეხ შჩესნის გაყიდვას მოახერხებს. ჯერჯერობით ამ საკითხზე კონკრეტული და ზუსტი ინფორმაცია არ ვრცელდება.