ფედერიკო კიეზამ ვარჯიში დაიწყო

ტურინის „იუვენტუსის“ ნახევარმცველმა ფედერიკო კიეზამ ვარჯიში დაიწყო. 24 წლის ფეხბურთელი დღეს გუნდთან ერთად ნაწილობრივი და ეტაპობრივი მზადების პროცესს შეუდგა.

კიეზა იანვრის შემდეგ ჯვარედინი მყესების გაწყვეტის შემდეგ უთამაშებელია და ჯერჯერობით, მას რამდენიმე თამაშის გამოტოვება კიდევ მოუწევს, მაგრამ ტურინელთა მიზანია, რომ ფედერიკომ თამაში მსოფლიოს ჩემპიონატის პაუზამდე მოახერხოს.

შეგახსენებთ, რომ ფედერიკო კიეზა „იუვენტუსში“ 2020 წლიდან თამაშობს და 61 მატჩში 18 გოლი აქვს გატანილი.