“რომა” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს 25-ე ტურში „რომასთან“ 0:1 წააგო. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – მანჩინის დარტყმაზე უკეთ თამაში შეეძლო? შესაძლოა, მაგრამ სმოლინგის მომენტში ყველაფერი გამოისყიდა.

დანილო 6.5 – ამ გუნდის სული, ის ყველგანაა.

ბრემერი 6 – ნამდვილი თავდამსხმელის მოედანზე არარსებობის გამო, რითაც ის მაღლდება, ბევრი საქმე არ ჰქონია.

ალექს სანდრო 6 – საჭიროების შემთხვევაში ის მზად არის, მაგრამ შემდეგ ფიზიკური პრობლემის გამო თამაში დატოვა.

ბონუჩი 6 – მთელი ტაიმი, რომელიც შეიძლება მას დაეხმაროს სრულფასოვნად დაბრუნებაში.

კუადრადო 6 – ყოველთვის პუნქტუალურია, ძელმა შეუშალა ხელი საჯარიმო დარტყმა გაეტანა, რითაც ანგარიშს ათანაბრებდა.

კინი 2 – თამაშში ჩაერთო და რამდენიმე წამის შემდეგ გააძევეს. ოდესმე გაიზრდება?

ფაჯოლი 5.5 – პირველ ტაიმში ცოტა უშედეგოდ დარბოდა და შეეწირა შემტევი სამეულით თამაშს.

კიეზა 5.5 – თამაშში რეალურად ჩართვა ვერ მოახერხა.

ლოკატელი 6 – ყვითელი ბარათითაც კი არ კარგავს დაცვის წინ გადაწყვეტილებების მიღებას.

პარედესი შ.გ – მან თამაშს ვერაფერი შემატა.

რაბიო 6 – ცოტა არ გაუმართლა, ცოტა ცუდად ითამაშა, როცა საგოლე მომენტი გაანიავა. გარდა ამისა, მანჩინის გოლზე დააგვიანა ზონის ჩახურვა.

კოსტიჩი 6 – თითქმის ყოველთვის ხდება სახიფათო, კარგ ფორმაშია, ზალევსკი მას ვერ აჩერებს, მაგრამ მეორე ტაიმში მოუკლო და მოთმინებაც დაკარგა.

პოგბა შ.გ – ფრანგმა ბოლო წუთები ითამაშა.

დი მარია 5.5 – ხარისხიანი თამაშით ზოგჯერ გამოანათებდა, მაგრამ ბევრი ვერაფერი შექმნა.

ვლაჰოვიჩი 5 – „ჯალოროსის“ მცველებთან ვერაფერი გააწყო, სინამდვილეში მას ვერც ვხედავდით.

ალეგრი 5.5 – „იუვე“ ძელმა სამჯერ შეაჩერა, მაგრამ „ბიანკონერი“ თითქმის ზედმეტად ნელი და პროგნოზირებადი ჩანს.