როველას და ფაჯოლის მომავალი თითქმის გადაწყდა

ტურინის „იუვენტუსში“ ახალგაზრდა, ნიჭიერი ნახევარმცველების, ნიკოლო ფაჯოლისა და ნიკოლო როველას მომავალი ჯერ კიდევ გაურკვეველია.

ორივე ფეხბურთელი ამერიკულ ტურნეში გუნდთან ერთადაა და სამწვრთნელო შტაბი მათ აკვირდება. ნიკოლა ბალიჩე წერს, რომ ფაჯოლი დიდი ალბათობით ტურინში დარჩება, ხოლო როველას გაანათხოვრებენ.

ნიკოლო ფაჯოლის კონტრაქტი 2023 წელს ეწურება, რომელსაც განაახლებს და სეზონს „იუვესთან“ ერთად დაიწყეს. ის მინიმუმ იანვრამდე ტურინელთა წევრი იქნება, თუ მანამდე სათამაშო დროს ვერ მოიპოვებს, ზამთარში შეიძლება გაანათხოვრონ, ყოველ შემთხვევაში მანამდე მოსალოდნელია, რომ შანსს მიიღებს.

როველას კი სავარაუდოდ კლუბი აგვისტოში ერთწლიანი იჯარით „სალერნიტანაში“ გაანათხოვრებს. აღსანიშნავია, რომ ორივემ „ჩივასთან“ და „ბარსელონასთან“ ითამაშეს და სხვათა შორის, საკმაოდ კარგი შეფასებებიც დაიმსახურეს. უფრო მეტიც, როველა „ბარსას“ წინააღმდეგ მოედანზე 90 წუთი იყო და რეჯისტას პოზიციაზე ითამაშა.