რაიოლა: “იუვენტუსში” ნანობენ, რომ დონარუმა არ დაიმატეს”

ჯანლუიჯი დონარუმას აგენტმა მინო რაიოლამ განაცხადა, „იუვენტუსს“ შეეძლო მისი კლიენტის გაფორმება და ახლა ნანობს, რომ ეს არ გააკეთა.

„ვწუხვარ, ჯიჯოს როგორც მოექცნენ. მან გააკეთა არჩევანი ცხოვრებაში, ღალატი არ ყოფილა. შეეძლო 4 წლის წინ წასულიყო, მაგრამ არ წავიდა. ის ახლოს იყო „იუვენტუსთან“? ვფიქრობ, რომ „იუვენტუსში“ ახლაც ნანობენ, რომ ის არ დაიმატეს და არა მხოლოდ „იუვენტუსში“, – თქვა რაიოლამ.

შეგახსენებთ, რომ ჯანლუიჯი დონარუმას დამატება „იუვენტუსს“ ზაფხულში უფასოდ შეეძლო, მაგრამ ვოიცეხ შჩესნი ვერ გაყიდა და იტალიელი მეკარე პსჟ-ში გადავიდა.