მთავარი / სიახლეები / ოფიციალურად: კრიშტიანუ რონალდუ “იუვენტუსის” ფეხბურთელი აღარ არის

ოფიციალურად: კრიშტიანუ რონალდუ “იუვენტუსის” ფეხბურთელი აღარ არის

კრიშტიანუ რონალდუსა და „იუვენტუსის“ სამწლიანი ურთიერთობა ოფიციალურად დასრულდა. პორტუგალიელი ფეხბურთელის ტრანსფერი „მანჩესტერ იუნაიტედმა“ დაადასტურა.

რონალდუს სანაცვლოდ „იუვემ“ 28 მილიონი ევრო მიიღო, ხოლო მან ინგლისელებთან ორწლიანი კონტრაქტი გააფორმა და სეზონში 29 მილიონ ევროს გამოიმუშავებს.

კრიშტიანუ რონალდუ „იუვენტუსმა“ 2018 წელს „რეალიდან“ 105 მილიონ ევროდ შეიძინა და მისი ტრანსფერი 2018 წლის 10 ივნისს გაოფიციალურდა.

მას შემდეგ კრიშტიანუმ ტურინში 134 მატჩში 101 გოლი გაიტანა და არაერთი რეკორდი დაამაყარა. ის არის ფეხბურთელი, რომელმაც 100 გოლი „იუვენტუსში“ ყველაზე სწრაფად გაიტანა, ასევე ერთ სეზონში ყველაზე მეტი გოლი მის აქტივშია – 37 გოლი 2019-2020 წლების სეზონში.

რონალდუმ „იუვენტუსთან“ ერთად ორ-ორჯერ იტალიის ჩემპიონობა და იტალიის სუპერთასი მოიპოვა, ხოლო ერთხელ იტალიის თასი. თუმცა, მთავარი წარუმატებლობა ჩემპიონთა ლიგას უკავშირდება, სადაც მაქსიმუმი მეოთხედფინალი გამოდგა. კრიშტიანუმ გუნდის დატოვება თავად მოითხოვა და კლუბმა მისი სურვილი დააკმაყოფილა.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …