Juventus.Ge ტურინის იუვენტუსის ქართული ფან კლუბი
იტალიის 21-წლამდე ნაკრების მთავარმა მწვრთნელმა პაოლო ნიკოლატომ ფაბიო მირეტის შესახებ ისაუბრა.
როგორც მან თქვა, მირეტი ძალიან ტექნიკური ფეხბურთელია და განსაკუთრებით გამოირჩია ბურთის გაჩერების მისი ხარისხი.
„ის ტექნიკურად ძალიან კარგია, შემტევი ნახევარმცველია, მაგრამ ნახევარდაცვაში ყველა ფუნქციის შესრულება შეუძლია. ბურთის გაჩერების კუთხით მაღალი ხარისხი აქვს, ყოველთვის სუფთად თამაშობს და მოქმედების განვითარებაზეა ორიენტირებული. თამაშის ზოგიერთ ასპექტში უნდა მოუმატოს, მაგრამ ეს ნორმალურია“, – თქვა ნიკოლატომ.
შეგახსენებთ, რომ ფაბიო მირეტი „იუვენტუსის“ მთავარ გუნდში მიმდინარე სეზონში დააწინაურეს და მან ცხრავე შეხვედრაში მიიღო მონაწილეობა.
