მოჯი: “იუვეს” გარეშე სერია A აზრს დაკარგავს”

ტურინის „იუვენტუსის“ შესახებ ლუჩანო მოჯიმ ისაუბრა. როგორც მან აღნიშნა, თუ „ბებერ ქალბატონს“ სერია B-ში დააქვეითებენ, სერია A აზრს დაკარგავს.

„როცა საქმე ეხება კაპიტალის მოგებას, „ბიანკონერიმ“ მართლაც დაარღვია წესები, მაგრამ რაც ნათქვამია, თუნდაც სერია B-ში დაქვეითებაზე, გაზვიადებულია. „იუვენტუსი“ ყველას იზიდავს, ზოგს სიძულვილით, ზოგს სიყვარულით და რომ დააქვეითონ, სერია A-ს აზრი დაეკარგება.

15 დაკლებული ქულა რომ არა, „იუვენტუსი“ პოგბას, დი მარიას, კიეზას და სხვა ფეხბურთელების არყოფნის მიუხედავად, მაინც მეორე ადგილზე იქნებოდა. მიუხედავად მოედანს მიღმა არსებული რთული სიტუაციისა, გუნდმა ფოკუსირება სეზონზე უნდა მოახდინოს და განსაკუთრებით ევროპა ლიგაზე, რომლის მოგება ჩემპიონთა ლიგის საგზურის მომტანი იქნება“, – თქვა მოჯიმ.