მაროტა: “იმედი მაქვს, მომდევნო სეზონში დიბალა “ინტერში” ითამაშებს”

მილანის „ინტერის“ სპორტულმა დირექტორმა ჯუზეპე მაროტამ იმედი გამოთქვა, რომ მომდევნო სეზონში პაულო დიბალა „ინტერის“ ღირსებას დაიცავს.

„არ ვიცი, სად ითამაშებს დიბალა მომდევნო სეზონში, მაგრამ ნამდვილად მაქვს იმედი, რომ ჩვენთან ითამაშებს“, – თქვა მაროტამ.

შეგახსენებთ, რომ პაულო დიბალამ „იუვენტუსი“ დატოვა და ახალ კლუბში თავისუფალი აგენტის სტატუსით წასვლა შეუძლია.