“მაკაბი” – “იუვენტუსი”: ფეხბურთელთა შეფასებები

ტურინის „იუვენტუსმა“ ჩემპიონთა ლიგის მეოთხე ტურში სტუმრად ჰაიფას „მაკაბისთან“ 0:2 წააგო. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 4 – ატცილის თავურზე კარში ბურთთან ერთად შევარდა, მეორე გოლის დროს მომენტი ვერ წაიკითხა. მერე რამდენიმე დარტყმა მოიგერია, მაგრამ ეს ჩვეულებრივი მოვლენა უნდა იყოს.

დანილო 4 – დასაწყისში კორნო მის ფლანგზე იმას აკეთებდა, რაც უნდოდა.

კინი 5.5 – ძალიან ცოტა გააკეთა, მაგრამ სხვებივით იმედგამაცრუებელი არ იყო.

ბონუჩი 4 – ხელმძღვანელობს დაცვას, რომელსაც ყველა ნაწილში წყალი გასდიოდა.

რუგანი 4 – თითქმის 2-თვიანი უთამაშებლობის შემდეგ დაბრუნდა და ატცილი პირველ გოლზე თავზე გადაახტა.

ალექს სანდრო 4 – დაუსრულებელია მისი რეგრესი. ატცილის მეორე გოლზე თითქოს მოედანზეც არ იყო.

სულე შ.გ – მან ბოლო წუთები ითამაშა.

მაკკენი 4 – არ დარბის, ის სხვებს დასდევს – ბურთს, მეტოქეებს. წარმოუდგენელია.

კოსტიჩი 4 – კვალი ისევ ვერ დატოვა.

პარედესი 4 – მთელი ზაფხული მის ტრანსფერზე მუშაობდნენ. ისიც არის ამ გუნდის ამოუხსნელი საიდუმლოებებიდან ერთ-ერთი.

ლოკატელი 4 – ცუდი, როგორც სხვები, მაგრამ ის მოედანზე 0:2-ზე შევიდა.

რაბიო 4.5 – სულ ცოტათი უკეთესი სხვებზე, ეს საკმარისი არ არის.

კუადრადო 4 – ვერ თამაშობს ძველებურად და დაკარგა ბურთი, რამაც მეორე საგოლე შეტევა გამოიწვია.

დი მარია 4 – 24 წუთი პოზიციას ეძებდა, რომელიც ვერ იპოვა და მერე კუნთის პრობლემების გამო მოედანი დატოვა.

მილიკი 4 – პირველი ტაიმის ბოლოს აშკარა საგოლე მომენტი გაანიავა.

ვლაჰოვიჩი 4 – ერთი თავური დარტყმა ძალიან ცოტაა გოლის გასატანად, შემდეგ ქარის წისქვილთან ბრძოლა უწევდა, როგორც ამ სეზონში უმეტესწილად.

ალეგრი 4 – იუვეს სიამაყის ნაპერწკალიც აღარ შერჩა.