“ლიდსი” მაკკენის სანაცვლოდ 24 მილიონ ევროს იხდის

ტურინის „იუვენტუსის“ ნახევარმცველის ვესტონ მაკკენის გადაბირება „ლიდს იუნაიტედს“ სურს.

ბრიტანული მედიის ცნობით, ამერიკელი ფეხბურთელით პირადად მარსელო ბიელსაა დაინტერესებული და ინგლისელები მზად არიან იანვარში „იუვეს“ 24 მილიონი ევრო გადაუხადონ. ტურინელთა პასუხი ამ წინადადებაზე ჯერჯერობით უცნობია, მაგრამ ნაკლებ სავარაუდოა, რომ ისინი ფეხბურთელის გაყიდვას დათანხმდნენ.

მიმდინარე სეზონში მაკკენიმ 15 მატჩში 2 გოლის გატანა მოახერხა, „იუვეს“ მაისურით კი 2020 წლიდან 61 თამაშში თავი რვაჯერ გამოიჩინა.