კასანო: “იუვე” არათუ საშინლად თამაშობს, არამედ უკვე გამარჯვებაც აღარ შეუძლია”

ტურინის „იუვენტუსის“ შესახებ კომენტარი ანტონიო კასანომ გააკეთა და აღნიშნა, რომ მასიმილიანო ალეგრიმ უნდა გაიღვიძოს, რადგან გუნდს უკვე გამარჯვებაც აღარ შეუძლია.

„არ მინდა იგივე გავიმეორო, მაგრამ ახლა „იუვე“ არა მხოლოდ საშინელ ფეხბურთს თამაშობს, არამედ გამარჯვებაც აღარ შეუძლია. მე-15 წუთიდან მე-80 წუთამდე „ბენფიკას“ ბურთი „იუვესთვის“ არ მიუცია, მიუხედავად იმისა, რომ ხელფასებში უდიდესი სხვაობაა. ალეგრიმ უნდა გაიღვიძოს, ბოლო წელიწადნახევარში ერთი-ერთი უარესი თამაში იყო. „ბენფიკა“ გვარდიოლას „ბარსელონას“ ჰგავდა“, – თქვა კასანომ.

შეგახსენებთ, რომ „იუვენტუსს“ ჩემპიონთა ლიგაზე ორ ტურში ქულა არ მოუპოვებია და ისტორიაში პირველად წააგო ჯგუფურ ეტაპზე საწყისი ორივე მატჩი. სეზონში ჩატარებული 8 მატჩიდან კი „ბებერმა ქალბატონმა“ მხოლოდ ორი მოიგო, რაც კატასტროფული შედეგია.