“კალიარი” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს 27-ე ტურში „კალიარი“ კრიშტიანუ რონალდუს ჰეთ-თრიქით 3:1 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – ჩვეულებრივი თამაში ჰქონდა იმ გოლამდე, რომლის თავიდან აცილება ვერ შეძლო.

კუადრადო 6.5 – ყვითელი ბარათი მიიღო, რის გამოც „ბენევენტოსთან“ მატჩს გამოტოვებს. კუთხურის დროს მორიგი საგოლე პასი მიითვალა. რიგ ეპიზოდებში შესანიშნავი იყო.

ფრაბოტა შ.გ – მან მხოლოდ რამდენიმე წუთი ითამაშა.

დე ლიხტი 6 – 90 წუთი ფორმის დასაბრუნებლად და იმ ადგილის მისაღებად, რომელსაც არასდროს დათმობს.

კიელინი 6 – მოედანს კიდევ ერთი ტრავმის შემდეგ დაუბრუნდა და გუნდს უსაფრთხოება მიანიჭა.

ბონუჩი 6 – მიიღო დრო, რითაც ოპტიმალური კონდიციები უნდა დაიბრუნოს.

ალექს სანდრო 6.5 – სანამ მოედანზე იყო, ფაქტობრივად შეცდომა არ დაუშვია.

ბერნარდესკი 5.5 – ამჯერად ნაკლებად კარგად ითამაშა, ვიდრე წინა შემთხვევებში, როდესაც მცველი იყო. გოლი მისი ზონიდან გავიდა.

კულუშევსკი 6 – მარჯვენა გარემარბი, რაც არის მისი პოზიცია, მაგრამ ამანაც არ იმოქმედა და არაფერი შეუქმნია, მაგრამ ამჯერად აშკარა შეცდომების არ დაუშვია.

რაბიო 6 – ნახევარდაცვის ცენტრში მუდმივად მხოლოდ ის თამაშობს, მაგრამ საუკეთესო თამაში არ ჰქონია.

დანილო 6.5 – სადაც პირლო აყენებს, ის აჩვენებს, როგორ მოერგოს ახალ პოზიციას. ის არ არის ფლეიმეიქერი, მაგრამ იცის თავის დაცვა და თანაგუნდელებს სიმშვიდე მიანიჭა.

კიეზა 7 – მორიგი შესანიშნავი თამაში. ის გუნდისთვის ამ მომენტში დამატებითი ფეხბურთელია, რომელიც თამაშს არ აგდებს და მორიგი საგოლე პასი გააკეთა.

არტური შ.გ – ბრაზილიელმა ფეხბურთელმა რამდენიმე წუთი ითამაშა.

მორატა 5.5 – „იუვეში“, რომელშიც ყველაფერი მარტივად იყო, მორატამ პრაქტიკულად ვერაფრის გაკეთება მოახერხა.

მაკკენი 6 – დაღლილია და ცდილობს საუკეთესო კონდიცია დაიბრუნოს.

რონალდუ 8 – კრანიოს წინააღმდეგ საშინლად იუხეშა, ცოტა არ იქნება ისეთი ადამიანი, ვინც ფიქრობს, რომ წითელ ბარათს იმსახურებდა. რეაქცია იყო ჰეთ-თრიქი ჩემპიონთა ლიგაზე კრახის შემდეგ. შესაძლოა, ეს გოლები უფრო ზრდის განრისხებას ევროპული წარუმატებლობის გამო, რომელიც თავის კვალს ტოვებს.

პირლო 6.5 – ამჯერად „იუვეს“ არ ჰქონია არასწორი მიდგომა, რონალდუმ ნახევარ საათში თამაშს წერტილი დაუსვა. ეს სამ ქულასაც სწორედ ამის გამო უფრო მეტი გემო აქვს.