მთავარი / სიახლეები / სერია A / “იუვე” – “უდინეზე”: ფეხბურთელთა შეფასებები

“იუვე” – “უდინეზე”: ფეხბურთელთა შეფასებები

ტურინის „იუვენტუსმა“ სერია A-ს მე-17 ტურში „უდინეზე“ დანილოს გოლით 1:0 დაამარცხა. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 6.5 – ამა თუ იმ გზით, ყოველთვის ახერხებს გუნდის გადარჩენას. უოლასის თავურ დარტყმაზე გადამწყვეტი იყო.

დანილო 7 – „იუვეს“ კაპიტანი, რომელიც ცდილობს წარსული შეცდომები არ დაუშვას. გაიტანა გოლი, რომელმაც ზედიზედ მერვე გამარჯვება მოიტანა.

რუგანი 6.5 – დიდი ხნის განმავლობაში დაცვაში საუკეთესო იყო და გოლთანაც ახლოს გახლდათ.

ალექს სანდრო 6 – სამკაციან დაცვაში ის საკუთარი თავის უკეთ წარმოჩენას ახერხებს.

მაკკენი 5.5 – რა თქმა უნდა, თავის პოზიციაზე არ თამაშობდა, მაგრამ უკვე დიდი ხანია ის პოზიციის გარეშეა.

მირეტი 6 – გაცილებით კარგი იყო „მეძალად“, ვიდრე გამთამაშებლად. ორმაგ ფაზაში ბუნებრივად თამაშობს. მეორე ტაიმის სტარტზე გაუჭირდა და მისი შეცვლა დროული იყო.

კიეზა 7 – ბურთს ისე ხშირად ვერ იღებს, როგორც კრემონაში, მაგრამ საგოლე პასი გააკეთა, რომელმაც გუნდს მოაგებინა.

ლოკატელი 5.5 – მთელი პირველი ტაიმი გაუჭირდა, მეორე ნახევარში შეცვალეს.

პარედესი 6.5 – ნელი სირბილი, მაგრამ საკვანძო პასი გოლის მომენტში კიეზას მან გაუკეთა.

რაბიო 7 – ნახევარდაცვას ის შინაარსს ანიჭებს და რაც უფრო დრო გადიოდა, უმატებდა.

კოსტიჩი 5.5 – ვერ მოახერხა რიცხობრივი უპირატესობის შექმნა მარცხენა ფლანგზე.

ფაჯოლი შ.გ – ამჯერად მან მხოლოდ ბოლო წუთები ითამაშა.

დი მარია 6.5 – როდესაც ბურთს სახიფათო ზონაში იღებდა, ყოველთვის რაღაცას ქმნიდა. შემდეგ ფიზიკური პრობლემების გამო შეცვალეს.

მილიკი 6 – შეტევას დაეხმარა.

კინი 5.5 – განუწყვეტლივ მოძრაობს, პრაქტიკულად მარტო თამაშობდა „უდინეზეს“ სამი მცველის წინააღმდეგ. მაგრამ კარგი მომენტი გაანიავა, როცა ბურთი სილვესტრის გაარტყა.

სულე შ.გ – არგენტინელმა ბოლო წუთები ითამაშა.

ალეგრი 6.5 – კიდევ ერთი გამარჯვება, კიდევ ერთი მატჩი გოლგაუშვებლად და მოგება ტანჯვით. ზედიზედ რვა გამარჯვება შემთხვევითობა არ არის, ის ნამდვილ გუნდს ვარსკვლავების გარეშეც აშენებს.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …