ტურინის „იუვენტუსმა“ სერია A-ს მეათე ტურში „სასუოლოს“ უმასპინძლა და სენსაციური მარცხი განიცადა (1:2). გთავაზობთ ფეხბურთელთა შეფასებებს Calciomercato-ს ვერსიით.
პერინი 6 – ფრატეზის გოლში უდანაშაულოა, მანამდე ბერარდის რთული დარტყმა მოიგერია, ბოლოს სასწაული ვერ მოახდინა.
დანილო 6 – „იუვე“ მის მხარეს არ ბრწყინავდა.
კულუშევსკი შ.გ – თამაშში ბოლოს ჩაერთო, მაგრამ ცუდად.
ბონუჩი 5 – ბევრი შეცდომა ჰქონდა და ბოლოს სულ სხვა ზონაში იყო.
დე ლიხტი 5 – ფრატეზის გოლის დროს არაზუსტი პოზიცია ჰქონდა.
დე შილიო შ.გ – მოედანზე ძალიან ცოტა დრო გაატარა, მაგრამ რაც ითამაშა ძალიან კარგად. რა სამწუხაროა, რომ დაშავდა.
ალექს სანდრო 5 – გაუხურებლად ჩაერთო, ფრატეზის გოლი ყველაზე მეტად მისი ბრალია.
კიეზა 6 – ეკალი, რომელიც ყოველთვის ცდილობდა რაღაც სახიფათოს შექმნას.
მაკკენი 5.5 – ცუდად თამაშობს, მაგრამ გაიტანა იმედის მომცემი გოლი, რომელიც ფრეს მაინც მოუტანდა გუნდს. მაგრამ ბოლოს, ვერც ბერარდი და ვერც მაქსიმ ლოპესი შეაჩერა.
ლოკატელი 6 – ნახევარდაცვაში მხოლოდ ის ცდილობდა თამაშის დალაგებას, მაგრამ როგორც ხდება, ერთი ფეხბურთელი საკმარისი არაა.
არტური შ.გ – მან ბოლო 10 წუთი ითამაშა.
რაბიო 4.5 – კოვიდის შემდეგ დაბრუნდა, მაგრამ არაფერი ახალი მანამდე ჩატარებულ მატჩებთან შედარებით.
კუადრადო 5.5 – ცოტა ნერვული, მაგრამ მაინც ცდილობდა ცარიელი „იუვე“ გაეცოცხლებინა.
დიბალა 6.5 – მან ბურთი ძელს მოარტყა, ცდილობს, მაგრამ ვერ ახერხებს. შესანიშნავი სტანდარტი, რის შემდგომაც მაკკენიმ გაიტანა. ის ერთადერთია, ვისაც მოგების სჯეროდა.
მორატა 4.5 – ხშირად თამაშგარეში, ყოველთვის თამაშს მიღმა.
კაიო ჟორჟე 6 – მორატაზე ბევრად უკეთესი იყო.
ალეგრი 4.5 – ეს თამაში აუცილებლად მოსაგები იყო, მაგრამ ძალიან ცუდად წააგო.