მთავარი / სიახლეები / სერია A / “იუვე” – “რომა”: ფეხბურთელთა შეფასებები

“იუვე” – “რომა”: ფეხბურთელთა შეფასებები

ტურინის „იუვენტუსმა“ სერია A-ს მერვე ტურში „რომა“ მოიზე კინის გოლით დაამარცხა (1:0) და უმნიშვნელოვანესი გამარჯვება მოიპოვა. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 7 – მან დაიბრუნა სიმშვიდე და „იუვესთვის“ ფუნდამენტური გახდა. ვერეტუს წინააღმდეგ მოგერიებული პენალტი გოლის ტოლფასი იყო.

დანილო 6 – ერთ-ერთი მათგანი, რომელიც იძულებული იყო ზეგანაკვეთურად ემუშავა, ის არ იყო საუკეთესო ფორმაში და ეს ჩანდა.

ბონუჩი 6.5 – დაცვაში ერთ-ერთი საუკეთესო იყო თანაგუნდელთა შორის.

კიელინი 5.5 – შეტევა, რომელსაც პენალტი მოჰყვა, მისი შეცდომით დაიწყო, როცა ცენტრში უხეშად შეცდა და ბურთი დაკარგა. ბევრი მნიშვნელოვანი ჩაჭრა და მოქმედება ჰქონდა, მაგრამ ეს იყო თამაში, რომელშიც ბევრი წვრილმანი შეცდომები დაუშვა.

დე შილიო 7 – პირველ ტაიმში „იუვეს“ მხრიდან საუკეთესო იყო. რთული, პრაქტიკულად წარმოუდგენელი გახლდათ ამის პროგნოზირება, მაგრამ ასეა. გოლიც მისი იდეალური ჩაწოდების შემდეგ გავიდა. მოედანი აპლოდისმენტების ფონზე დატოვა.

ალექს სანდრო შ.გ – ბრაზილიელმა მცველმა მხოლოდ ბოლო წუთები ითამაშა.

კუადრადო 6 – ყველაფერი გაიღო, მაგრამ შეცდომები ჰქონდა და შესამჩნევი არ იყო.

ბენტანკური 7 – გასაკვირია, მაგრამ სამხრეთამერიკელთა შორის საუკეთესოდ ითამაშა. შეიძლება გოლი უფრო მეტად მისია, ვიდრე კინის, ერთ-ერთი თამაში, რომელშიც ის ალბათ საუკეთესო იყო.

ლოკატელი 6 – ბევრი მსხვერპლი გაიღო, მას ეს შეუძლია.

ბერნარდესკი 6.5 – კარგი თამაში ჰქონდა, საუკეთესო ეპიზოდი კი მეორე ტაიმის დასაწყისში მაკრატელა იყო, რომელიც რუი პატრისიუმ მოიგერია.

არტური 6 – მან ნახევარდაცვას წესრიგი შემატა, მაგრამ დაცვის წინ ლოკატელი დარჩა.

კინი 6.5 – გოლი გაიტანა და დიდი მონდომებით ითამაშა. მეორე ტაიმში აშკარა საგოლე მომენტი გაანიავა. მაგრამ, ბევრ ეპიზოდში ბოლომდე იბრძოდა.

მორატა 6 – თითქოს თვის ბოლომდე ვერ უნდა ეთამაშა, მაგრამ უკვე მზადაა. მისი მოედანზე ყოფნა მნიშვნელოვანი იყო.

კიეზა 5.5 – ის პოზიციას ეძებდა, მაგრამ ვერ იპოვა. ეს არ იყო მისი საღამო, ალეგრი სწორად მოიქცა, როცა შეცვალა.

კულუშევსკი 6 – უნდა მოიპოვოს სათამაშო დრო და თამაშში ისევ კარგად ჩაერთო.

ალეგრი 6.5 – მტკივნეული გამარჯვება. „ნაპოლი“ და „მილანი“ ისევ ძალიან შორს არიან, მაგრამ დანარჩენები ყველა ხელმისაწვდომია.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …