მთავარი / სიახლეები / “იუვე” მეტ პატივისცემას იმსახურებს” – რონალდუ ვეტერანმა ფეხბურთელებმა გააკრიტიკეს

“იუვე” მეტ პატივისცემას იმსახურებს” – რონალდუ ვეტერანმა ფეხბურთელებმა გააკრიტიკეს

ტურინის „იუვენტუსის“ ყოფილმა ფეხბურთელებმა სერჯიო ბრიომ და ალესიო ტაკინარდიმ კრიშტიანუ რონალდუ გააკრიტიკეს. ორივემ თქვა, რომ პორტუგალიელი „იუვეს“ უპატივცემულოდ მოექცა და გუნდიდან ასე არ უნდა გაქცეულიყო.

„იუვე“ მეტ პატივისცემას იმსახურებს. არ ველოდი, რომ კრიშტიანუ კლუბს ასე უგულებელყოფდა, ეს მისი მხრიდან სასიამოვნო ჟესტი არ იყო. მე ყოველთვის კარგად ვსაუბრობ ჩემს ყოფილ გუნდებზე – „პისტოიეზე“, „იუვეზე“ და „ლეჩეზე“, რომელშიც ვთამაშობდი, რადგან ისინი მენდობოდნენ. საბედნიეროდ, რონალდუ რჩება დიდ ფეხბურთელად, მაგრამ დამშვიდობება შეიძლებოდა მომხდარიყო სხვაგვარად და სხვა სიტყვებით“, – თქვა სერჯიო ბრიომ.

„მას შეეძლო სხვანაირად წასულიყო, არა კერძო თვითმფრინავით იმ დროს, როცა ალეგრი „ემპოლისთან“ მატჩისწინა პრესკონფერენციას მართავდა. ველოდი, რომ ის პრესკონფერენციას გამართავდა და გულშემატკივრებს დაემშდვიდობებოდა. „იუვენტინოები“ განსხვავებულ დამშვიდობებას იმსახურებდნენ. მართალია, ფეხბურთში აღარ არიან დელ პიეროს, ტოტის, ძანეტის და მალდინის მსგავსი ადამიანები, კრიშტიანუს მხრიდან იმის თქმა, რომ წავიდა კლუბში, სადაც თავს სახლში გრძნობს, არ იყო ლამაზი. მან გუნდი სატრანსფერო ფანჯრის დახურვამდე რამდენიმე დღით ადრე დატოვა და კლუბს შემცვლელის ყიდვის შანსი არ დაუტოვა, თანაც რონალდუსნაირი გოლების მანქანის შეცვლა ისედაც შეუძლებელია“, – აღნიშნა ტაკინარდიმ.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …