მთავარი / სიახლეები / სერია A / “იუვე” – “ლაციო”: ფეხბურთელთა შეფასებები

“იუვე” – “ლაციო”: ფეხბურთელთა შეფასებები

ტურინის „იუვენტუსი“ სერია A-ს 37-ე ტურში „ლაციოს“ დუშან ვლაჰოვიჩისა და ალვარო მორატას გოლებით 2:0-ს უგებდა, მაგრამ საბოლოოდ ფრეს დასჯერდა – 2:2. გთავაზობთ ფეხბურთელთა შეფასებებს Calciomercato-ს ვერსიით:

პერინი 6.5 – გაუმართლა კიდეც, როდესაც ხარიხამ გადაარჩინა, თუმცა, შეცდომა ფაქტობრივად არ დაუშვია. ორი გოლი გაუშვა, ყველაზე ნაკლები დამნაშავე იყო.

კუადრადო 5.5 – მეორე გოლში მონაწილეობა მიიღო, მაგრამ ბოლო წუთზე ყველაფერი დაანგრია, როცა ბურთი დაკარგა და „იუვემ“ გოლი გაუშვა.

ბონუჩი 6 – რთული მეორე ტაიმი ჰქონდა.

კიელინი 10 – გარდა, გულშემატკივრებთან შეხვედრის სიამოვნებისა, ჩვენი შეფასება დღეს თამაშს არ ეხება. ასე რომ, 10 ქულა მას, კარიერისთვის, ასევე იმიტომ, რომ კიელინის მსგავსი ფეხბურთელი ამას იმსახურებს.

დე ლიხტი 6 – კიელინის ადგილი დაიკავა ყველა გაგებით.

ალექს სანდრო 5.5 – როცა მნიშვნელობა აღარ აქვს, კარგი თამაში ჩაატარა, მაგრამ ავტოგოლი გაიტანა, რომელშიც ასევე უიღბლობის მომენტიც იყო.

მირეტი 6.5 – ამჯერად, ბინძური სამუშაოს შესრულებაც მოუწია და ამის გაკეთებაც შეუძლია. რა ყოჩაღია!

ლოკატელი 6 – არ უნდა ეთამაშა, მაგრამ ბოლო წამს დაიკავა რაბიოს ადგილი. პირველ გოლზე პატრიკმა მას დაასწრო.

აკე 5.5 – მარჯვენა ფლანგზე თავის გამოჩენას ცდილობდა, ისე ვერ ითამაშა, როგორც იმედოვნებდა.

ბერნარდესკი 7 – ალბათ მისთვისაც ბოლო საღამო იყო „სთედიუმზე“, როგორც „იუვეს“ მოთამაშისთვის. ალბათ. თამაშით სიამოვნებას იღებდა, რაც ბოლო წლებში იშვიათად ხდებოდა.

დიბალა 6 – სცენა მთლიანად კიელინის ეძღვნებოდა, მაგრამ ცოტათი მანაც მოახერხა შოუს მოარვა. მასაც კაპიტნის რანგში დაემშვიდობნენ, ისიც ტაშის ფონზე შეცვალეს და თანაგუნდელები ჩაეხუტნენ.

პალუმბო შ.გ – მან რამდენიმე წუთი ითამაშა.

მორატა 7.5 – საუკეთესო მოედანზე. გოლი და საგოლე პასი, როგორც ჩანს, მისთვისაც ბოლო მატჩი იყო „სთედიუმზე“, რადგან „იუვემ“ თავისი ნაბიჯი უკვე გადადგა, მაგრამ „ატლეტიკოსგან“ არაფერი ისმის.

პელეგრინი 5.5 – მილინკოვიჩ-სავიჩი თამაშგარე მდგომარეობაში მის გამო არ დარჩა.

ვლაჰოვიჩი 7 – საღამო გახდა ზეიმი და მან გახსნა ანგარიში.

კინი 6 – ლამაზ გოლთან ძალიან ახლოს იყო.

ალეგრი 6 – განსაკუთრებული საღამო ყველასთვის, მის გარდა. იმიტომ, რომ ბოლო წამზე 2:2 სეზონს ნათლად ასახავს.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …