“იუვე” და კუადრადო ახალ კონტრაქტზე შეთანხმებულნი არიან

ტურინის „იუვენტუსი“ ხუან კუადრადოს უახლოეს მომავალში ახალ კონტრაქტს გაუფორმებს. იტალიური მედიის ცნობით ეს გადაწყვეტილია და მხოლოდ დროის საკითხია.

კოლუმბიელის მოქმედი კონტრაქტი 2022 წლის 30 ივნისს იწურება, მაგრამ ის 1 წლით განახლდება. ამრიგად, სამხრეთამერიკელი ტურინულ გრანდში 2023 წლის ზაფხულამდე დარჩება, სეზონში კი 5 მილიონ ევროს მიიღებს.

შეგახსენებთ, რომ ხუან კუადრადო „იუვენტუსმა“ 2015 წელს ლონდონის „ჩელსიდან“ დაიმატა. მას შემდეგ 33 წლის ნახევარმცველმა 222 მატჩში 19 გოლის გატანა მოახერხა.